news-inner
clock14:55 calendar-gray 08 Sentyabr 2014 view-gray1559 dəfə oxunub
view-gray1559 dəfə oxunub

Markesi döyən məşhur yazıçı kim idi? LAYİHƏ

Mirmehdi Ağaoğlu

Şəkildən tanıdığımız burnu çapıq, gözünün altı göyərmiş bu məşhur adam əlbəttə nə bomjdur, nə boksçu, nə də küçə döyüşçüsü. Bildiyimiz kimi bu, XX əsrin ən böyük yazıçılarından biri, Nobel mükafatı laureatı Qabriel Qarsiya Markesdir. Bəs bu nə gündür o düşüb, kim gözünün altına “finqal” qoyub? Elə-belə adam yox, başqa bir Nobel mükafatçısı Mario Varqas Lyosa edib bunu.

Elə bilirsiz, təkcə bizim ədəbi mühitdə yazarlar bir-biriləri ilə intriqa aparır, küsür, barışır, dalaşır, yumruq davasına çıxırlar? İnsan hər yerdə insandı. Okeanın o üzündə də yekə-yekə yazarlar problemlərini heç də həmişə qələmlə deyil, arada yumruqladə həll edirlər. Biri elə Mario Varqas Lyosa.

Düzdür onda hələ heç biri Nobel mükafatı almamışdı. Lyosa Markesin ənginə yumruq ilişdirəndə 40, dostu isə 48 yaşında idi.

Bir zamanlar çox yaxın dost olmuş hər iki yazıçı 70-ci illərin ortalarında Barselonada yaşayırdı. Barselonadaykən iki uşaq atası Lyosa həyat yoldaşı Patrisiyanı atıb isveçli qadınla yaşamağa başlayır.

Xatırladaq ki, Patrisiya yazıçının ikinci həyat yoldaşı idi.

(Ondan əvvəl isə Mario 18 yaşı olanda 32 yaşlı kuzeni Xuliya Urkidi ilə evlənmişdi. Qohumları bu qeyri-bərabər evliliyə razılıq verməsələr də cütlük on ilə yaxın bir müddətdə bir yerdə yaşamışdılar.

Xuliya ilə Mario 1960-cı illərdə boşanırlar. Mario bu dəfə digər kuzeni Patrisiya ilə evlənir.

1977-ci ildə Lyosa birinci evliliyindən bəhs edən “Xulio xala və cızma-qaraçı” romanını yazır. Lyosanın yazdıqlarından razı qalmayan Urkidi sə keçmiş ərinə cavab olaraq “Varqitonun demədikləri” romanını nəşr edir.

“Xulio xala və cızma-qaraçı” romanının baş qəhrəmanı Xulio Urkidi 2010-cu ildə Boliviyada 84 yaşında vəfat edib.

“Xulio xala və cızma-qaraçı” romanı 1990-cı ildə “Sabaha köklən” adı ilə ekranlaşdırılıb.)

Lyosanın bu hərəkətindən sonra Patrisiya çıxılmaz vəziyyətdə qalır. Bilmir nə etsin. Ona görə də Qabo (dostları Markesi belə çağırırdı) ilə arvadı Mersedesi evinə dəvət edir. Markes dostunun bir səhv etdiyini, kişilər belədir də, fikir eləmə, mən onu başa salaram, qayıdar deməkdənsə ayrılmağı məsləhət görür.

Amma bir müddət sonra Lyosa ailəsinə geri qayıdır. Təbii ki, həyat yoldaşı ona Markeslərin gəlişini, Qabonun məsləhəti barədə danışır.

Uzun müddət görüşməyən dostlar 1976-cı ildə “And dağlarında sağ qalanlar” filminin premyerasında qarşılaşırlar. Qabo köhnə dostunu görcək qollarını açıb üstünə şığıyır. Mario isə onu qucaqlamaq əvəzinə dostunun ənginə yumruq ilişdirir. Şəkildən də göründüyü kimi Markesin burnu partlayır, gözünün altı göyərir.

Həmin davada Lyosa Markesə deyir: “Elə bilirdin Patrisiyaya verdiyin məsləhətdən sonra sarılıb qucaqlayacaqdım səni?”

Bu hadisədən sonra bir zamanların ayrılmaz dostları (“Yüz ilin tənhalığı” romanı nəşr olunandan sonra Lyosa ondan müsahibə almış, roman haqqında “Amadis Amerikada” məqaləsini yazmışdı) amansız düşmənə çevrilirlər. Qabo solçu olaraq qalır, Mario isə solçuların amansız düşməninə çevrilir.

Oxşar xəbərlər

Xəbər lenti

Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021