Kulis.Az “Ted nitqləri” layihəsini təqdim edir.
TED (Technology, Entertainment, Design) 1984-cü ildə Amerikad başlayan, müxtəlif sahələrlə məşğul olan insanların öz biliklərini, apardığı tədqiqatların nəticələrinin yayılmasına xidmət edən bir platformadır.
Kulis.Az-ın yeni layihəsində yaxşı TED çıxışları yayımlanacaq.
Psixoloq Suzan Kein: Qapalı adamların gücü
Məşhur psixoanalitik və filosof Karl Yunq insanları iki qrupa ayırırdı: İntrovert (qapalı) və ekrtravert (açıq).
İnsanların bir çoxu daxilən qapalıdır, ünsiyyətə həvəssiz girirlər, daha çox tək qalmağa üstünlük verirlər. Amma bu onların şəxsi keyfiyyətilərini, intellektual qabiliyyətlərini, yaradıcı qabiliyyətlərini inkar etməyə əsas vermir. Təcrübə göstərir ki, onlar bütün bu parametrlərdə ən az ekstavertlər qədər güclüdür. Lakin müasir dünya, böyük meqapolislər və əlbəttə ki, təhsil sistemi hamını açıq, ünsiyyətcil, ekstravert olmağa məcbur edir. XVII-XVII əsrin motivasiya kitabları insanları güclü xarakter sahibi olmağa səsləyirdisə indi bu kitablar necə ünsiyyətcil olmalı, necə dost qazanmalı kimi məsələləri təbliğ edir. Bununla da introvert insanların gücü yoxa çıxardılır, onlar öz təbiətlərinə qarşı özgələşdirilir. Halbuki dünyanı dəfələrlə introvert insanlar xilas edib. Qapalı insanlara inanmaq gərəkdir.
