Bakıda Azərbaycan Milli Elmlər Akademiyasının (AMEA) Folklor və Tarix institutlarının birgə təşkilatçılığı ilə “Folklor və tariximiz” mövzusunda respublika elmi konfransı keçirilib.
APA-nın məlumatına görə, konfransda çıxış edən AMEA Humanitar Elmlər Bölməsinin akademik katibi Kamal Abdulla bildirib ki, folklor müstəvisində tarixlə, tarix müstəvisində isə folklorla bağlı dumanlı məqamlar çoxdur və keçirilən tədbir bu dumanın aradan qaldırılmasına, folklorda tarixi məqamların araşdırılmasına xidmət edir.
Tarix İnstitutunun direktoru Yaqub Mahmudov isə bildirib ki, folklor nümunələrinə istinad etməmək tariximiz üçün əskiklik yaradır: “Şifahi xalq ədəbiyyatına istinad etdikdə görürük ki, bizim xalqımız geniş coğrafiyada fəaliyyət göstərmiş xalqdır. Bizim xalq ədəbiyyatında Çindən tutmuş Firəngistana qədər ərazilərdə xalqımızın yaşadığı, yaratdığı, bu bölgələrlə əlaqəsi olduğu aydın görünür. Azərbaycanın yağı düşmənlərlə mübarizə tarixi də folklordadır. Əbəs yerə deyil ki, “Kitabi-Dədə Qorqud” dastanlarında qara donlu kafirlər xüsusi vurğulanır. Yenə də həmin dastanda deyilir ki, “qarı düşmən dost olmaz”. Ermənilərin Azərbaycan xalqına qarşı təcavüzü göstərdi ki, bu gün xalqımızın dostunu-düşmənini tanıması baxımından da folklorumuz çox ciddi mənbədir”.
Y.Mahmudovun sözlərinə görə, tarixin düzgün öyrənilməsi üçün müxtəlif xarici mənbələrlə yanaşı, ana dilimizdə olan mənbələrdən, o cümlədən folklor nümunələrindən istifadə etmək lazımdır: “Folklor xalqın yaşatdığı tarixdir. Belə düşünənlər var ki, folklorda tarixi dəqiqlik yoxdur. Amma bizim real tariximiz xalqın yaşatdığı folklordadır. Tarix İnstitutu olaraq biz folklorun öyrənilməsinə çoxdan başlamışıq”.
Folklor İnstitutunun direktoru Muxtar İmanov isə bildirib ki, xalq yaşadıqca, tarixi hadisələrin şahidi olduqca, ona uyğun folklor nümunələrini yaradır: “Milli ədəbiyyatımızın ilkin qatlarında zəngin və dərin məzmunlu Azərbaycan folkloru dayanır. Xalqımızın şifahi yaradıcılığı kimi dəyərləndirilən folklorun tarixi Azərbaycan ərazisində ilk insan məskənlərinin meydana çıxmasına gedib çıxır. Son 10-20 il ərzində nə qədər yeni folklor nümunələri yaranıb. Onlar da artıq tarixin müəyyən səhifəsinə çevrilib”.
“Folklor və tariximiz” mövzusunda respublika elmi konfransı keçirilib
19 noyabr 2012
11:48
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
