Yazıçılar, filosoflar, siyasətçilər həm əsərləri, həm də məktubları ilə tarixdə qalıblar.
Bu məktublar bəzən kitablar şəklində çap olunub. Məsələn, çex yazıçısı Frans Kafkanın öz tərcüməçisi, sevgilisi Milenaya, Puşkinin həyat yoldaşına məktubları.
Kulis.az “Məşhur adamların məktubları” silsiləsindən sizə daha üç yazıçının məktublarını təqdim edir:
Qustav Floberin Luiza Koletə məktubu, 1846-cı il
“Sevgimlə qucaqlayacağam səni növbəti görüşümüzdə. Şəhvani həzlərlə doyduracağam səni, əriyib tükənənəcən. İstəyirəm ağlın başından çıxsın. Belə bir vəziyyəti xəyallarında belə qurmadığını etiraf et özünə… Qocalanda da xatırla həmin bir neçə saatı və iliklərinə qədər titrə”.
Virciniya Vulfun Vita Sekvil-Uestə məktubu, 1927-ci il
“Qulaq as Vita – o kişidən əl çək, Hampton Korta qaçaq, axşam yeməyimizi çay kənarında birlikdə yeyərik, ay işığında bağları gəzərik, bir şüşə şərab içib keflənərik, sonra da sənə başımda fırlanan milyonlarla, saysız-hesabsız şeylərdən danışaram – gündüzlər oyanmır onlar; ancaq qaranlıqda, çayın kənarında oyanır. Düşün bunları. Başından rədd elə bu kişini, başından rədd elə, gəl”.
Benjamin Franklinin Madam Brillona məktubu, 1779-cu il
“Madam Brillon,
Bu nə məsafədir, əzizim, sizinlə mənim aramda! Məndə min eyib görürsünüz, halbuki mən sizdə tək bir nöqsan görürəm (o da eynəklərimdən qaynaqlanmış ola bilər). Mən sizin şəfqətim, sevgim üzərində təkhakimiyyətlilik qurub, öz ölkənizin zərif məxluqlarından məhrum edən xəsisliyinizi nəzərdə tuturam.
Məhəbbətim (yaxud şəfqətim) azalmadan bölünə bilərmi, sizcə? Özünüzü aldatmaqla yanaşı, bilin ki, bu naz-qəmzəli hərəkətlərinizlə mənim də əlimi-qolumu bağlayırsınız. Bədəninizə toxunma ehtimallarını görməzlikdən gəlir, məni ancaq quru öpüşə məhkum edirsiniz. Pianodan məharətli barmaqlarınız vasitəsilə yüksələn bu ahəngdar tembr mənə bəxş etdiyiniz onlarla həzzə heç bir xələl gətirmədən eyni vaxtda iyirmi insanın qulağında xoş hisslər yarada bilər; mənsə, həddimi aşaraq, bu gözəl musiqiləri məndən başqa heç kimə bəxş etməməyinizi tələb edirəm şəfqətinizdən.
Həsrətlə,
Benjamin.”
Hazırladı: Rəna Nevzat
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
