Bircə yerdə rahatlıq var... – Qismətin yeni şeiri

Qismət, şair

Qismət, şair

16 mart 2022
# 14:00

Kulis.az Qismətin yeni şeirini təqdim edir.

Tiranın çıxışına ətək qeydləri.

Tiranın nəğməsiz səsi
əks-səda verdikcə yer üzündə,
bircə yerdə rahatlıq var sözün doğrusuna – ürəkdə.
Xəbərlərin yara sarğısı kimi dəyişdiyi günlərdə
anladım ki,
necə ki, mətnin həqiqəti yarımçıq görünəndə,
başqa mənbələr nişan verilir ətək qeydlərində,
ürək sözləri də ətək qeydləridir, təsəvvür edilən mətnə.

Tiran gələcəkdən danışanda paradoksa düşür,
çünki yalnız şanlı keçmişə tərif deyir,
kreslosunun rənginə düz gələn faktlarla qürrələnir.
Əslində sabahları sürətlə azalır deyə,
keçmişdən möhlət istəyir, heç olmasa, yuxarı faizlə.

Poeziyanı sevmir tiran – sözlərin çoxmənalı demokratiyasını.
Əgər bacarsaydı, dağıdardı, ancaq tuta bilmir
sözlərin minalar – məcazi mənalar basdırılmış torpağını.
Tiran rəqəmləri sevir,
cədvəlləri, soyuq statistikanı;
çünki rəqəmlərdə gizlətmək asandı insan həyatını.

Tiran istehzayla deyir: bütün xalqlar müstəqildir,
yəni ki, onlar kimə təslim olacaqlarını özləri seçir...
Sonra hava sahəsinin bağlanmasından danışır,
ancaq yanılır.
Çünki günəşin qızıl darağı
eyni cür darayırsa hamımızın saçını,
göyü bağlamaq mümkün deyil.

# 4034 dəfə oxunub

Oxşar xəbərlər

Bir qara gözəlin mavi göz yaşı – Xəyal Rzanın şeirləri

Bir qara gözəlin mavi göz yaşı – Xəyal Rzanın şeirləri

18:00 17 aprel 2025
Səhv düşəndə yerimiz - Qabil

Səhv düşəndə yerimiz - Qabil

15:02 16 aprel 2025
Sərxoş gəlmişəm qapına - Şaiq Vəli

Sərxoş gəlmişəm qapına - Şaiq Vəli

14:12 16 aprel 2025
Güllələr demədi geri qayıdın – İsa İsmayılzadə

Güllələr demədi geri qayıdın – İsa İsmayılzadə

09:12 16 aprel 2025
Radiolarda Təbriz səsi - Ümid Nəccarinin yeni şeirləri

Radiolarda Təbriz səsi - Ümid Nəccarinin yeni şeirləri

16:30 15 aprel 2025
Mən qurd kimi gəmirərdim bürokratizmi - Günün şeiri

Mən qurd kimi gəmirərdim bürokratizmi - Günün şeiri

18:00 14 aprel 2025
# # #