Yazıçı Seymur Baycan Naxçıvanda hazırlanan, “Oxunması zəruri olan kitabların siyahısı”na münasibətini bildirib.
Kulis.az onun açıqlamasını təqdim edir:
“Siyahı olduqca natamam, qarışıq siyahıdı. Adam oturub qəsdən belə qarışıq siyahı düzəltmək istəsəydi beləsi heç cürə alınmazdı. Hiss olunur ki, siyahını hazırlayan boz, ürəksıxan, bununla belə özünü hədsiz dərəcədə ağıllı hesab edən adamdı. Tam səmimi deyim ki, həyatımda belə qarışıq kitab siyahısı oxumamışam. Bundan əlavə siyahıda xeyli gərəksiz müəllif və əsər adları var. Məsələn, mən ümumiyyətlə hər hansı bir siyahıda Nizamini, Seyid Əzim Şirvanini görmək istəmirəm. Nizamini, Füzulini, Seyid Əzimi, Nəsimini, Xaqanini və bu kimi ağır kişilərin şeirlərini, əsərlərini dərsliklərdən çıxarmaq lazımdır. Onları ancaq mütəxəssislər, muğam ustaları zad oxumalıdırlar. Uşaqlar qiymət almaq üçün ağır, başa düşmədikləri şeirlər əzbərləyirlər. Hətta deyərdim, ağır şeirlər onları qorxudur. Azərbaycan məktəblisinin Füzuli, Seyid Əzim, Xəqani nəyinə gərəkdi? Yalandan onları dərsliklərdə saxlamağın bir mənası varmı?”
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
