Uşaq hüquqları üzrə vəkil Gülayət Hacıyeva həbsxanada kitabxanalar yaratmaq məqsədilə xüsusi layihə hazırlayıb. Bu barədə Kulis.az - a məlumat verən vəkil bildirib ki, təcridxanadakı yetkinlik yaşına çatmayan məhkum uşaqları təhsilə cəlb etmək üçün yeni bir layihəyə start veriblər.

Layihənin əsas məqsədi uşaq təcridxanalarında kitabxanalar yaratmaq və oradakı məhkumlarda kitab oxuma vərdişləri aşılayaraq onların təhsilə maraqlarını artırmaqdır.

"Məlumdur ki, təcridxanalar insanın islah olunması üçün nəzərdə tutulan müəssisələrdir və belə yerlərdə kitabxanaların olması, təhsil və elmlə bağlı müxtəlif tədbirlərin keçirilməsi vacibdir. Təəssüf ki, Azərbaycanda bir çox uşaq təcridxanaları bu kimi imkanlardan məhrumdur. Bunu nəzərə alaraq, ölkəmizdəki uşaq təcridxanalarını əhatə edən layihə hazırlayıb, məhkumların müxtəlif növ kitab və dərsliklərə çıxışını asanlaşdırmaq qərarına gəldik. Layihənin şərtləri kitab siyahısında dini və siyasi fikirləri əks etdirən materialların olmasına yol vermir".

Layihənin Nyu-Yorkda və Azərbaycanda həyata keçirildiyini bildirən vəkil hər kəsdən bu işdə onlara yardımçı olmağı və yaradılacaq kitabxanalara kitab bağışlamağı xahiş edir.

Nyu-Yorkda yaşayan həmvətənlərimiz əlaqə saxlaya bilərlər.

[email protected]

Linda Eaddy, Executive Director Program Operations

75-20 Astoria Blvd. suite 110

East Elmhurst NY 11370

Office Phone#: 718 546-0440

Office cell, bb#: 646 841-2025

Fax 718 278-6458

• "44 günlük Vətən müharibəsi ədəbiyyatımızda" - Bədii-kulturolji layihə
• MEDİA qəza ilə bağlı çağırış etdi
• Gülşən Qurbanovanın bacısı: "Bəlkə də, mənə elə gəlirdi, ancaq canı üstündə idi..." - Müsahibə