"Mən 1990-cı illərdə "Əsgər marşı" yazmışdım. O vaxtı toylarda bu mahnını çalıb-oynayırdılar. Hətta bir-iki toyda etiraz etdim. Dedim, qardaşım, bu əsgər üçündür, müharibə üçündür, sən bunu araq içib oynayırsan. Dedim, o zaman süfrənin yerinə də Azərbaycan bayrağını sər, üstünə də araq qoy. Yəni, eyni şey olur. Elə şeylər var ki, onlara hörmət etmək borcumuzdur. Bəzən insanların mədəni səviyyəsini bilmək olmur. Amma içəndə bəzilərinin içi ortaya çıxır. Bəziləri düşünür ki, toydursa, istədikləri şeyi çaldırıb-oynaya bilərlər. Cəmiyyətdə müxtəlif insanlar olur, eləsi də var, beləsi də".

Kulis.az xəbər verir ki, bu sözləri Xalq artisti Cavanşir Quliyev "My Media Baku"ya müsahibəsində deyib.

O, həmçinin, bayağı sözləri olan mahnılar haqqında da danışıb:

"Dartma, yaxam cırıldı" xalq mahnısıdır. "Get, ay batandan sonra gəl" xalq mahnısıdır.
"Həsir basma, dolan gəl", yəni, səs eləmə, həsiri bassan, səs olacaq.
"Qoy, gülüm gəlsin, ay nənə, qapıda duran oğlana rəhmin gəlsin, ay nənə" bu, xalqın yaradıcılığıdır.
Yaxşı da deyə bilmərik, pis də. Biz bunu qəbul etməliyik. Xalq yaradıcılığı deyilən bir şey var. Hər xalqda var. Hətta sizə deyim ki, böyük şairlərin nəşr olunmayan şeirləri var. Görünür, arada onlar da əylənirdilər. Ona görə də belə şeylərə bir az səbrli yanaşamaq lazımdır. İnsan əgər bir şeylə əylənirsə, qoy, əylənsin. Amma keyfiyyətsizdirsə, onu təbliğ etmək lazım deyil. "Səhər saat yeddidə, qırmızı nol yeddidə" – bütün Azərbaycanı götürmüşdü. Nə oldu? Batdı getdi. Çünki keyfiyyəti yox idi".

• Suqsvanq - Yeni sevgi hekayəsi
• Yuxularının rəsmini çəkən rəssam - Əgər belə də ola bilərsə, niyə olmasın?
• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?