Azərbaycan Dövlət Kukla Teatrında 93-cü mövsümün bağlanışı və mətbuatın 150 illiyi münasibətilə media nümayəndələri üçün təsis olunmuş “Teatrın dostu” mükafatının təqdimolunma mərasimi keçirilib.
Kulis.az xəbər verir ki, millət vəkillərinin, ziyalıların, Meksikanın ölkəmizdəki səfiri Viktoriya Romero, aparıcı media mənsubları, mədəniyyət və incəsənət xadimlərinin iştirak etdiyi tədbirdə əvvəlcə teatrın bu mövsümdə qazandığı uğurlardan bəhs edən videoçarx nümayiş olunub.
Teatrın direktoru, Əməkdar mədəniyyət işçisi Rəşad Əhmədzadə mövsüm ərzində kollektivin teatra qazandırdığı uğurlardan danışıb.
Teatrın direktoru ilin sonunadək daha üç səhnə əsərinin hazırlanacağını və daha 2 beynəlxalq festivalda iştirak edəcəklərini də diqqətə çatdırıb.
Sonda, teatrın baş direktoru Rəşad Əhmədzadə tərəfindən Milli Məclisin deputatlarına və media təmsilçilərinə “Teatrın dostu” rəmzi mükafatı təqdim olundu.
Qeyd edək ki, mükafat alanlar sırasında Kulis.az-ın əməkdaşı Ülvi Bahadır da var.
Tədbir musiqi proqramla davam edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
