Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin təşkilatçılığı, Şəki-Zaqatala Regional Mədəniyyət İdarəsinin dəstəyi ilə “Sənətkarın dostu” layihəsi çərçivəsində martın 5-də Xalq artisti Zabit Nəbizadə ilə görüş keçiriləcək.

Kulis.az xəbər verir ki, Qax Mədəniyyət Mərkəzində reallaşacaq tədbirdə müxtəlif muğam kompozisiyaları təqdim olunacaq.

Görüşdə muğam sənətinin tədrisi, muğam ifaçılığı, konsert yaradıcılığı, istedadlı gənclərin fəaliyyətinin stimullaşdırılması mövzularında söhbət aparılacaq.

• Cəhənnəmin temperaturunu ölçən, mələklərin sürətini hesablayan alimlər - Elmi necə populyarlaşdırmısınız?
• Tünzalə Ağayeva "Avroviziya"ya getmək istəyir
• Möhlət - İsi Məlikzadənin hekayəsi

Qeyd edək ki, Mədəniyyət üzrə Elmi-Metodiki və İxtisasartırma Mərkəzi tərəfindən, həmçinin Şəkidə kitabxanaların əməkdaşları üçün təlimə start veriləcək. Azərbaycan Milli Kitabxanasının tərəfdaşlığı, Şəki-Zaqatala Regional Mədəniyyət İdarəsinin dəstəyi ilə Şəki şəhəri və ətraf rayonlarda yerləşən kitabxanaların əməkdaşları üçün təşkil olunacaq təlim, kitabxana sahəsində çalışanların peşəkar inkişafına töhfə vermək, onların müasir kitabxana idarəçiliyi, rəqəmsal resurslardan istifadə biliklərinin artırılmasına xidmət edəcək.

• Cəhənnəmin temperaturunu ölçən, mələklərin sürətini hesablayan alimlər - Elmi necə populyarlaşdırmısınız?
• Tünzalə Ağayeva "Avroviziya"ya getmək istəyir
• Möhlət - İsi Məlikzadənin hekayəsi