Müslüm Maqomayevin məzarı ziyarət edildi

Müslüm Maqomayevin məzarı ziyarət edildi
17 avqust 2026
# 17:30

Bu gün SSRİ və Azərbaycanın Xalq artisti Müslüm Maqomayevin anadan olmasının 84-cü ildönümü münasibətilə tanınmış mədəniyyət xadimləri I Fəxri xiyabanda sənətkarın məzarını ziyarət ediblər.

APA xəbər verir ki, mədəniyyət nazirinin müavini Səadət Yusifova, mədəniyyət nazirinin müşaviri Cahangir Səlimxanov, Azərbaycan Rəssamlar İttifaqının sədri, Xalq rəssamı Fərhad Xəlilov, Azərbaycan Teatr Xadimləri İttifaqının sədri, Xalq artisti Hacı İsmayılov və sənətkarın həyat yoldaşı, SSRİ Xalq artisti, opera müğənnisi Tamara Sinyavskaya çıxış edərək Müslüm Maqomayevin parlaq və zəngin yaradıcılığından söz açıblar.

Onlar sənətkarın doğma vətəni Azərbaycana dərin bağlılığını vurğulayıblar.

Çıxış edənlər Müslüm Maqomayevin zəngin yaradıcılığından, Azərbaycan və dünya musiqi mədəniyyətinə verdiyi töhfələrdən danışıblar.

Xatırladaq ki, Müslüm Maqomayev bir sıra beynəlxalq mahnı müsabiqələrində Azərbaycanı təmsil edib, birinci yerə və "Qızıl val" mükafatına layiq görülüb. Rəhbərlik etdiyi simfonik orkestrlə birlikdə keçmiş Sovet İttifaqının şəhərlərində, həmçinin Fransa, Bolqarıstan, Polşa, Finlandiya, Kanada, İran və digər ölkələrdə konsertlər verib.

Müslüm Maqomayev 1964-cü ildə Azərbaycanın "Əməkdar artisti", 1971-ci ildə "Xalq artisti", 1973-cü ildə isə SSRİ-nin "Xalq artisti" fəxri adlarına layiq görülüb. 1997-ci ildə müstəqil Azərbaycanın "Şöhrət", 2002-ci ildə isə "İstiqlal" ordenləri ilə təltif olunub. 2008-ci il oktyabrın 25-də vəfat edib.

# 897 dəfə oxunub

Oxşar xəbərlər

Taylor Sviftin geyimləri və şəxsi əşyaları nümayiş olunacaq

Taylor Sviftin geyimləri və şəxsi əşyaları nümayiş olunacaq

18:57 20 noyabr 2026
Ayasofiyada qədim tunellər aşkar edildi

Ayasofiyada qədim tunellər aşkar edildi

18:16 20 noyabr 2026
Bruno Marsın ailəsində ağır itki

Bruno Marsın ailəsində ağır itki

17:37 20 noyabr 2026
Kris Prat yeni fantastik filmdə baş rola çəkiləcək

Kris Prat yeni fantastik filmdə baş rola çəkiləcək

17:03 20 noyabr 2026
Nadir Bədəlov:  “Azərbaycan kinosu yox, Bakı kinosu var” – MÜSAHİBƏ

Nadir Bədəlov: “Azərbaycan kinosu yox, Bakı kinosu var” – MÜSAHİBƏ

16:32 20 noyabr 2026
Azərbaycan mahnıları ingiliscə, dünya hitləri azərbaycanca

Azərbaycan mahnıları ingiliscə, dünya hitləri azərbaycanca

16:00 20 noyabr 2026
#
#
Ana səhifə Reels Yazarlar Xəbərlər