Əfsanəvi R&B müğənnisi Pibo Brayson 75 yaşında vəfat edib.
Kulis.az xəbər verir ki, sənətçinin ailəsi onun insult keçirdikdən bir neçə gün sonra dünyasını dəyişdiyini açıqlayıb.
Selin Dionla "Beauty and the Beast" və Recina Bell ilə "Aladdin" filmindəki "A Whole New World" kimi "Disney" duetləri ilə daha çox tanınan Braysonun səsi hər zaman "qeyri-adi" olaraq qiymətləndirilirdi.
Mərhumun ailəsinin yaydığı bəyanatda deyilir:
"Qəlbimiz qırıq olsa da, Pibonun nə qədər sevildiyini, onun səsinin və alicənab ruhunun nə qədər insanın həyatına toxunduğunu bilmək bizə təsəlli verir. Onun irsi və musiqisi gələcək nəsillər üçün yaşamağa davam edəcək."
İkiqat "Qremmi" mükafatı laureatı olan Brayson "Oskar" qazanan "Gözəl və bədheybət" filmində Selin Dionla oxuduğu duetlə böyük rəğbət qazanmışdı. Sənətçi həmin qlobal uğuru "Disney"in "Aladdin" filmindən olan "A Whole New World" mahnısında Recina Bell ilə bir daha təkrarlamışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
