“Ulduz”un Qərbi Azərbaycana həsr olunmuş may nömrəsi jurnalın, Təhsil Nəşriyyatı və Azərbaycan Dövlət Pedaqoji Universitetinin (ADPU) “Qərbi Azərbaycan Araşdırmalar Mərkəzi”nin birgə layihəsi əsasında işıq üzü görüb.

Kulis.az xəbər verir ki, jurnal ADPU-nun prorektoru, Dərələyəz, Keşkənd icmasının rəhbəri, professor Mahirə Nağıqızı və tədqiqatçı-hüquqşünas Səməd Vəkilovun “Ön söz”ü ilə açılır.

Jurnalda ADPU-nun rektoru Cəfər Cəfərovun “Qərbi Azərbaycan

İcmasının yaranması tarixi zərurətdir”, Qərbi Azərbaycan İcmasının sədri, Milli Məclisin deputatları Əziz Ələkbərlinin “Qərbi Azərbaycana qayıdış əsas hədəfimizdir”, Musa Urudun “Zəngəzurun təhsil tarixi”, Məlahət İbrahimqızının “Ermənistanda Azərbaycan türklərinin silinməz izləri”, görkəmli alimlər Misir Mərdanov və Ədalət Tahirzadənin “Vəkilov Həsənalısultan bəy Məhəmməd bəy oğlu”, Abel Məhərrəmovun “Qərbi Azərbaycanın Ağbaba mahalı”, Seyfəddin Rzasoyun “Qərbi Azərbaycanda aşıq yaradıcılığı: milli yaddaş və tarix” yazıları yer alıb.

Tarix üzrə fəlsəfə doktoru, dosent Cəbi Bəhramovun “Şimali Azərbaycan ərazilərinin Rusiya imperiyası tərəfindən işğalı və Qərbi Azərbaycan torpaqlarının ermənilərə güzəştə gedilməsi”, fizika elmləri doktoru, professor Bəxtiyar Nəcəfovun “Atam haqqında xatirələr”, kimya üzrə fəlsəfə doktoru Nazir Əhmədlinin “Oğurlanmış ata yurdu – Qərbi Azərbaycan”, filologiya elmləri doktoru, professor Fəridə Səfiyevanın “Əqidəsinə sadiq alim”, professor Hacı Həsənovun “XIX–XX yüzilliyin əvvəllərində Qərbi Azərbaycanda yürüdülmüş inzibati-ərazi idarəçilik siyasətinin tarixindən” yazıları qədim yurd yerimizin tarixini günümüzə daşıyır.

Jurnalın may nömrəsində, həmçinin ADPU-nun Filologiya fakültəsinin dekanı Könül Həsənovanın “Alim şair Həsən Mirzəyə həsr olunmuş şeir mətnlərində qənaət prinsipinin linqvokulturoloji xüsusiyyətləri”, tarix elmləri üzrə fəlsəfə doktoru Leyla Cəlalovanın “Azərbaycan sevdalı, dünyaşöhrətli jurnalist – Leyla Vəkilli”, Araşdırmaçı Jurnalistlər Liqasının Baş katibi Şəfahət Avılbəylinin “Qərbi Azərbaycanın Qarabağı - Qaraqoyunlu”, sosiologiya üzrə fəlsəfə doktoru Əfqan Vəliyevin “Göyçə mahalının tarixi və ədəbi mühiti” yazıları oxuculara təqdim edilir.

Əməkdar mühəndis Nəbi Ramazanlının “Loru-Pəmbək mahalı”, filologiya üzrə fəlsəfə doktoru, dosent Cəlal Allahverdiyevin “110 yaşlı “Lək-Lək” , Şumeroloq, biologiya elmləri doktoru Tariyel Azərtürkün (Əliyev) “Nüvədinin uzaq-yaxın tarixi və daş yazılı abidəsi barədə”, “Bütöv Azərbaycan” qəzetinin baş redaktoru Tamxil Ziyəddinoğlunun “Qəbirlər də qəribləşir”, İstanbul Universitetinin doktorantı Dilqəm Əhmədin “İrəvanlı Cabbar Ərtürk”, yazıçı Yeganə Kərimzadənin “Bir köç gedir...” yazıları oxucuları Qərbi Azərbaycanın tarixi, mədəniyyəti, ədəbiyyatı ilə tanış edir.

Jurnalın bu nömrəsində Qərbi Azərbaycanla bağlı şeirlər də yer alıb.

• Uşaq məsumluğunu tablolara köçürən məşhur rəssam
• Məşhur televiziya ulduzu 100 yaşında dünyasını dəyişdi
• Bir dəftər üçün oğruya çevrilən uşaq - Tural Turan