Beynəlxalq Türk Mədəniyyəti və İrsi Fondunun prezidenti Günay Əfəndiyevanın Litvada görüşləri davam edir.

Kulis.az xəbər verir ki, G.Əfəndiyeva Litvaya səfəri çərçivəsində Qazaxıstan Respublikasının Litva Respublikasındakı fövqəladə və səlahiyyətli səfiri Timur Urazayev və Türkiyə Respublikasının Litva Respublikasındakı fövqəladə və səlahiyyətli səfiri Barış Tantekin ilə görüşüb.

Görüşlərdə Fond ilə təşkilatın üzv dövlətləri arasında ümumtürk mədəniyyətinin, ənənələrinin qorunub saxlanılması istiqamətində sıx əməkdaşlığın əhəmiyyətindən söz açılıb. Müasir dövrdə Türk dövlətlərinin ortaq irsinin, dəyərlərinin mühafizəsi və gələcək nəsillərə ötürülməsinin önəminə toxunulub. Müxtəlif ölkələrdə yaşayan azsaylı türk xalqlarının Türk Dünyasına inteqrasiya olunmasının və bu səpkidə Fond tərəfindən həyata keçirilən bir sıra tədbirlərin vacibliyi vurğulanıb. Təşkilatın xarici ölkələrlə tərəfdaşlıq münasibətlərini genişləndirməsi, türk və digər xalqlar arasında qarşılıqlı mədəni mübadilələrə töhfə kimi qiymətləndirilib.

• 39-cu Beynəlxalq Ankara Musiqi Festivalı başlayır
• Sonralar heç yerdə rast gəlmədim o sirli-əsrarlı ayinə... - Mübariz Örən
• "Milli Kitab 10-luğu" - "İblis"

Söhbətlər zamanı Fondun qurucu üzv dövlətləri Qazaxıstan və Türkiyə ilə iş birliyi əlaqələrinin prioritetləri nəzərdən keçirilib, gələcək planlar, mümkün birgə layihələr haqqında ümumi müzakirələr aparılıb.

• 39-cu Beynəlxalq Ankara Musiqi Festivalı başlayır
• Sonralar heç yerdə rast gəlmədim o sirli-əsrarlı ayinə... - Mübariz Örən
• "Milli Kitab 10-luğu" - "İblis"