Misirdə 11-ci Beynəlxalq İsgəndəriyyə Qısametrajlı Film Festivalı keçirilir.
Kulis.az xəbər verir ki, mayın 2-dək davam edəcək festivalda 37 ölkədən 38 film müsabiqəyə təqdim edilib.
Azərbaycandan rejissor İqor Smolanın “Keçmiş.POV” (POV Memory) filmi festival çərçivəsində nümayiş olunacaq qısametrajlı filmlər siyahısına daxil edilib.
Film hərbçinin həyatından bəhs edir. Filmin qəhrəmanı ailə fotolarını qənimətlərini saxladığı qutuda saxlayır. Amma zaman keçdikcə yeni yaddaş imkanlarının yarandığı vurğulanır. Filmin hadisələri dövrün texniki imkanlarına nəzərən 16 mm-lik lent, VHS kasetlərindən tutmuş müasir qacetlər və termal təsvir kameraları ilə verilib.
Filmin ssenari müəllifi, rejissoru və prodüseri İqor Smola, digər prodüserləri Emil Nəcəfov və Şi Şuaidir, operatoru Alisa Tareliçevadır. Filmdə Asiman Ağa Rövşən, Vüsalə Ağayeva, Ayla Ağayeva, Mahir Əsədov, Arzuman Mirzəsoy, Tamerlan Xəlilov və başqaları çəkiliblər.
Festivalın direktoru rejissor Məhəmməd Mahmud qeyd edib ki, beynəlxalq mədəniyyət tədbiri qısametrajlı film mədəniyyətini və ölkələr arasında mədəni mübadiləni təşviq etmək məqsədi güdür.
Qeyd edək ki, tədbirlər İsgəndəriyyə Operasında, İsgəndəriyyə Milli Muzeyində, Yunan-Roma Muzeyində, Metro Cinemada və İsgəndəriyyə Kitabxanasında keçiriləcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər