Ukraynalı müğənni və bəstəkar, 2004-cü il “Eurovision” müsabiqəsinin çempionu Ruslana Ukrayna sənətçilərinin ölkəsinin Rusiya ilə müharibəsində möhkəm dayandıqlarını və musiqinin müharibədə “silah” kimi olduğunu bildirib.
Kulis.az xəbər verir ki, Ruslana türk xalqına və Qara dənizdəki qardaş ölkələrinə dəstəyə görə təşəkkür edib.
Ukraynalıların əhval-ruhiyyəsini yüksəltmək məqsədi daşıyan yeni mahnısının və klipinin təqdimatını paylaşan Ruslana deyib: "Ukrayna xalqı hazırda simfonik orkestrə bənzəyir. Onlar yalnız dirijordan göstəriş gözləyirlər və bu dirijor onların ürəyidir. Musiqi müharibədə silaha çevrilib. Konsertlər təhlükəsizlik baxımından qadağan edilsə də, humanitar səbəblərdən təşkil olunan bəzi konsertlərdə iştirak etmişəm",- deyən Ruslana bu konsertlərdən birinin metronun yeraltı stansiyasında keçirildiyini qeyd edib.
Sənətçi olaraq dünyaya güclü mesaj verməli olduqlarını, yeni mahnısı və klipi ilə “ürəyinizi bağlamayın” demək istədiyini bildirən Ruslana - Mənim üçün əsl önəmli olan azadlıqdır- deyib
Ruslana Ukraynanın mübarizəsini Türkiyənin Qurtuluş Savaşı ilə müqayisə edərək, 100 il əvvəl türk xalqı qələbə qazandığı kimi, Ukraynanın da bu müharibədə qalib gəlmək istədiyini bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər