Bakıda "Nine Senses Fest 2025” başlayır

Bakıda "Nine Senses Fest 2025”  başlayır
30 aprel 2025
# 13:00

Bakıda mayın 2-də “Nine Senses Fest 2025” başlayır.

Kulis.az xəbər verir ki, tədbir Heydər Əliyev Fondunun vitse-prezidenti və Azərbaycan Yoqa Federasiyasının prezidenti Leyla Əliyevanın təşəbbüsü və dəstəyi ilə ikinci dəfə keçirilir.

Festival “Ənənədən hərəkətə” şüarı altında qədim bilikləri müasir yanaşmalarla birləşdirir və iştirakçılara yoqa və meditasiya sessiyaları, konsertlər və musiqi terapiyası, sufi və şərq fəlsəfəsi, artterapiya və qadın enerji sessiyaları, “Made in Azerbaijan” yarmarkasını vəd edir.

Belə ki, şəfəqdə başlanan günəş salamları, sufi praktikaları, nəfəs məşqləri, yoqa nidra və Şivananda yoqası ilə iştirakçıların bədəni və zehni yenilənəcək. Bharat Thakur, Sudhakar Dass və Nandan Qautam kimi dünya miqyaslı ustalar prosesə rəhbərlik edəcək. Eyni zamanda Çingiz Mustafayevin canlı çıxışları da baş tutacaq. Sufi rəqsləri, sema ayinləri, sufi musiqi terapiyası, qədim Çin və slavyan təbabəti ilə tanışlıq, bunların hamısı iştirakçılara daxili ahəngi tapmaqda kömək edəcək.

Bunlarla yanaşı, neyroqrafika, aromaterapiya, qadın çevrələri, Ebru sənəti və səs terapiyası ilə bədii və emosional potensialın kəşfinə təkan verəcək. “Made in Azerbaijan” yarmarkası isə 200-dən çox yerli brend öz məhsullarını təqdim edəcək.

Qeyd edək ki, festivalda özünü yenidən kəşf etmək istəyən hər kəs, sağlam həyat tərzi ilə maraqlananlar, meditasiya, yoqa və şəxsi inkişaf praktikasına açıq olanlar, yerli brendlərlə tanış olmaq istəyən ziyarətçilər eləcə də sadəcə ruhunu dincəltmək, musiqi və təbiət ilə vəhdət yaşamaq istəyənlər iştirak edə bilərlər.

Tədbirin təşkilatçıları hər kəsi öz daxili səsini eşitməyə, bədənini hərəkətə gətirməyə və ruhuna toxunmağa dəvət edir.

Biletlər satışdadır və bu keçiddən əldə etmək mümkündür.

Ətraflı proqram və iştirakçılarla tanış olmaq üçün festivalın rəsmi saytına daxil olmaq lazımdır.

Tədbir mayın 4-dək davam edəcək.

# 1120 dəfə oxunub

Oxşar xəbərlər

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

Krımın ən güclü qadını necə Sovet cəhənnəminə atıldı? - Bakının faciəli "qonağ"ı

15:00 29 noyabr 2025
Bi­zi sonsuz xəyallara qərq edən qüvvə - Sərgərdan və məzəli həyatın sonu

Bi­zi sonsuz xəyallara qərq edən qüvvə - Sərgərdan və məzəli həyatın sonu

13:52 29 noyabr 2025
Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
Ana səhifə Yazarlar Bütün xəbərlər