Crescent Mall-un dördüncü mərtəbəsində “Əli və Nino” mağazası fəaliyyətə başlayacaq.

Kulis.az xəbər verir ki, mağazanın açılış mərasimi mayın 28-i saat 16-da baş tutacaq. Mərasimdə möhtəşəm açılış şousu nəzərdə tutulur. Açılışda özəl endirim kampaniyası həyata keçiriləcək.

“Əli və Nino” mağazalar şəbəkəsinin rəhbəri Nigar Köçərlinin sözlərinə görə, mağazada uşaqlar üçün oyun-əyləncə guşəsi də unudulmayıb:

“Biz mağazada kitabları yerləşdirərkən, Azərbaycandilli kitabları daha geniş assortimentdə, daha geniş yerdə və sayda təqdim etməyə çalışdıq. Xüsusən, uşaq kitablarına geniş yer verdik ki, uşaqlarda kitaba maraq və sevgi yarada bilək. Milli tariximizi, həmçinin "Əli və Nino" əsəri və Bakı tarixini əks etdirən xüsusi bölmə yaratdıq. Kitab mağazasında oxucuların rahat mütaliəsini təmin etmək üçün kiçik kitab kafesi də yaradılıb. Burada rahat oturub kitab oxumaq, asudə vaxt keçirmək mümkün olacaq. Uşaqlar boyama rəngləyə, yaxud kitab oxuya biləcəklər. Kitablar Azərbaycan, Türk, Rus və İngilis dillərindədir. Hazırda dünyada ən populyar olan kitabların, demək olar ki, hamısını bu mağazada tapmaq mümkündür. Müasir alış-veriş mərkəzində belə böyük kitab mağazasının olması ölkəmiz üçün çox vacibdir...”

Qeyd edək ki, 700 kvadratmetrlik mağaza “Əli və Nino” şəbəkəsinə daxil olan ən böyük mağazadır.

• Kino Agentliyi 75-ci Berlin Beynəlxalq Film Festivalında
• Madonna Trampın transgenderlərlə bağlı qərarını tənqid etdi
• Məmməd Aslanın nəvəsi: "Maşınını imkansız bir nəfərə hədiyyə eləmişdi" - Müsahibə