Azərbaycanda insan gec yetişir - Aqşin Yenisey

Azərbaycanda insan gec yetişir - Aqşin Yenisey
11 fevral 2025
# 13:40

Kulis.az Aqşin Yeniseyin "Azərbaycanda insan gec yetişir" yazısını təqdim edir.


Azərbaycanda insan gec yetişir. Ümumiyyətlə, islam coğrafiyasında insanın yetişməsi üçün şərait münbit deyil.

Çünki islam inzibati bir dindir. Bizdə bunun üstünə bir də kommunist inzibatilik əlavə olunub.

İslamın inzibati rejimindən çıxıb kommunizmin inzibati rejiminə düşmüşük.

Hətta estetik zövqümüzü belə bu inzibatiliyin senzurası formalaşdırıb.

Park kolları kimi dördküncük. Kollardan biri qol-budaq atan kimi bu senzuranın tərbiyəsində böyümüş cəmiyyət hər tərəfdən tökülüşüb onu budayır.

Estetik zövq gec formalaşan intellektual bir dəyərdir. Bir şairin, bir rəssamın gələcəkdə başa düşülməsi onun gələcəkdə yaşadığına dəlalət etmir, müasirlərinin zövqünün keçmişdə yubandığına dəlalət edir.

Azərbaycanda insan öz ömrünün böyük bir hissəsini keçmişdə yubanmağa xərcləyir.

Məsələn, sən bir müsiqiçisənsə, səsinin, ifanın ən enerjili çağlarını özündən əvvəlkilərin feyziyabına həsr etməlisən.

Bir şairsənsə ilhamının ən gur dövrünü Füzulinin keşiyini çəkməklə keçirməlisən.

Bir filosofsansa, zəkanın ən dəli çağlarını Şərq müdrikliyinin qapısını süpürməklə yola verməlisən.

İctimai sərmayə də keçmişdə yubananlara qoyulduğu üçün bir müddətdən sonra gələcəyə qaçıb ac qalanlar da geri dönür.

Yetişmə prosesi kallığa doğru geri çevrilir. Fikir vermişəm, harda ki, özünü yetişkin kimi aparırsan, hamı nifrət edir, harda ki, özünü kallığa vurursan, hamının əziz-giramisi olursan.

# 3726 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər