1960-cı illərdə Türkiyənin Boubon şəhərindən qeyri-qanuni yollarla ölkədən çıxarılan və Roma imperator Marcus Aureliusun filosof obrazında təsvir edildiyi bürünc heykəl Klevlend İncəsənət Muzeyində keçirilən rəsmi mərasimlə Türkiyəyə təhvil verilib.
Kulis.az xəbər verir ki, bu barədə Türkiyə Mədəniyyət və Turizm nazirinin müavini Gökhan Yazqı sosial şəbəkə hesabında etdiyi paylaşımda məlumat verib. Gökhan Yazqı onu da vurğulayıb ki, heykəlin qaytarılması üçün təxminən 65 ildir ki, elm, diplomatiya və mədəniyyət sahəsində işlər görülürdü.
Əsər Türkiyəyə gətirilməzdən əvvəl üç ay müddətində Klevlend İncəsənət Muzeyində xüsusi sərgi çərçivəsində ictimaiyyətə təqdim ediləcək.
Qeyd edək ki, bu tarixi əsər iyul ayında Türkiyədə öz mədəni konteksti daxilində sərgilənəcək.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
