Mixail Bulqakov adına muzey oxucular üçün maraqlı gəzinti təşkil edib.
Kulis.az rus mətbuatına istinadən xəbər verir ki, Moskvada yerləşən muzey ötən gün “Oxucu, məni izləyin” adı altında ekskursiya təşkil edib.
Ekskursiyanın özəlliyi ondan ibarətdir ki, oxucular Bulqakovun “Master və Marqarita” romanındakı qəhrəmanların getdiyi yerlərə baş çəkərək, Patriarxın gölməçələrindən keçib, Annuşkanın yağ tökdüyü yerləri görüb, Master və Marqaritanın görüşdüyü məkanlara baş çəkiblər.
Xüsusi xəritə üzrə hərəkət edən gəzinti iştirakçıları Marqaritanın malikanəsinin oxşarını da görə biliblər.
