“Qız qalası” müstəqil qısametrajlı melodramının təqdimetmə gecəsi keçirilib.

Kulis.az xəbər verir ki, fevralın 27-si Gənclik Mall-da yerləşən Cinema plus kinoteatrında baş tutan qala gecəsində tanınmış sənət adamları və media nümayəndələri iştirak edib.

“Qız Qalası” filminin süjeti ayrı şəxsi münasibətləri olan iki fərqli insanın təsadüfən tanış olmasından bəhs edir. Tanışlıq əsnasında hər biri anlayır ki, həmin o “öz adamına” rast gəlib.

Film boyunca qəhrəmanlar seçim etməlidir: ya hər şeyi olduğu kimi saxlayıb geri dönmək, ya da “öz adamı” ilə hər birinin daxildə arzusunda olduğu yeni münasibətlərə başlamaq…

Qeyd edək ki, müstəqil “Qız qalası” filmi bir neçə nüfuzlu beynəlxalq festivallarda ölkəmizi təmsil edərək kino sənayesinin inkişafına öz töhfəsini verib. Film İtaliya, Türkiyə, ABŞ, Sinqapur, Rumıniya, Litva, Norveç, Slovakiya kimi ölkələrin müxtəlif festivallarında qalib olub.

Filmin rejissoru və ssenari müəllifi Mehdi Ağayev, quruluşçu operatoru Delee, quruluşçu rəssamı Şahin Həsənli, montajçısı Əsgər Rəhimov, musiqisi isə Sevda Ələkbərzadə, Emma Ələkbərzadə və Raufa məxsusdur. Baş rolları Könül Cəfərzadə, Türkay Cəfərli və Kamran Ağabalayev ifa ediblər. Prodüserlər Mehdi Ağayev, Fariz Əhmədov, Emil Nəcəfov və Orxan Dadaşovdur.

Film tam olaraq geniş auditoriyaya, televiziya və onlayn platformalarda yaxın günlərdə təqdim olunacaq.
Filmin treyleri:

• "Hicab məcburiyyət deyil!" - Evinə bomba qoyulub öldürülən qadın kimdir?
• "Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı
• Devid Linçin əşyaları 4,25 milyona satıldı