Rejissor Elvin Adıgözəlin “Mənim sehrli dünyam” tammetrajlı bədii filminin dünya premyerası aprelin 28-də XXV “goEast” Beynəlxalq Kino Festivalında baş tutacaq.
Kulis.az xəbər verir ki, film, festivalın 14 filmdən ibarət əsas müsabiqə proqramına daxil olub.
E.Adıgözəlin öz ssenarisi əsasında çəkdiyi, “Ultra Production” və “Cinex Production”un birgə istehsalı olan film, rayonların birində kənd ansamblında çıxış edən, televiziyalarda gördükləri musiqili şouda iştirak etməyi arzulayan iki uşaqlıq dostu – Babək və Sahildən bəhs edir. Televiziya şousuna aparan yol onların dostluqlarını sınağa çəkir və ansamblın üzvlərinin həyatı əbədi olaraq dəyişir.
Azərbaycan Kinematoqrafçılar İttifaqının maliyyə dəstəyi verdiyi filmdə aktyorlar Cahangir Məlikov, Kamil Nazim, Kəmalə İsrafilova, Yusif Dadaşov, Ramiq Nəsirov, Xalıq Bəkirov, Zülfiyyə Nəzir Məmmədova, Zemfira Abdülsəmədova, İlqar Dadaşov, Mahir Mirişli, İskra Tarrant, Aygül Sadıhova və digərləri çəkilib.
Qeyd edək ki, “goEast” festivalı 23-29 aprel tarixlərində Almaniyanın Visbaden şəhərində keçiriləcək.
Festival, əsasən, Mərkəzi və Şərqi Avropa kinofilmlərinə fokuslanır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər