Tuncelinin Ovacıq kəndində çəkilmiş və baş rolunu ustad aktyor İlyas Salmanın canlandırdığı "OYuna geldik" filminin rejissoru Kazım Öz müraciət etdiyi vaxtdan 45 gün keçsə də, Mədəniyyət və Turizm Nazirliyinin hələ də filmin nümayişinə icazə vermədiyini açıqlayıb.

Kulis.az xəbər verir ki, bu icazə sənədi olmadan film kinoteatrlarda nümayiş etdirilə bilməz.

Rejissor həm nazirlik rəsmilərinə, həm də kinoteatr sahiblərinə çağırış edib.

Filmin nümayiş tarixi məcburi şəkildə təxirə salınıb

Filmin ssenarisi Ovacıq bələdiyyəsinin başçısı Mustafa Sarıgül tərəfindən yazılıb, rejissoru isə "Elif Ana" (Elif ana), "Bir Kar Tanesinin Ömrü" (Bir qar dənəsinin ömrü) və "Zer" (Zər) kimi mükafatlı filmlərin rejissoru Kazım Özdür. "OYuna geldik" filminin kinoteatrlarda nümayişi məcburi şəkildə bir həftə sonraya təxirə salınıb.

Kazım Özün sözlərinə görə, filmin nümayiş tarixindən 45 gün əvvəl icazə sənədi üçün müraciət edilsə də, sənədin hazır olmadığı barədə nümayiş vaxtına bir gün qalmış xəbər verilib. Nazirlik rəsmiləri ilə keçirilən görüşdən sonra məlum olub ki, sənəd yalnız bir həftə sonra keçiriləcək Ali Şuranın toplantısından sonra verilə bilər.

Kazım Öz dəstək üçün kinoteatr sahiblərinə, kino adamlarına müraciət edib.

Filmin gəlirinin böyük bir hissəsi Ovacıqdan keçən Munzur çayının təmizliyinə, heyvanların qorunmasına xərclənəcək.

Filmin mövzusu

Hakim partiyanın namizədi Hıdır Diri bütün rəqiblərini məğlub edərək, nəhayət, bələdiyyə sədri seçilir. Lakin yeni başçını rent mübarizəsi (əmək sərf etmədən əldə olunan qazanc), sağ partiyaların tələbləri və vədlərlə aldadılmış xalqın etirazları gözləyir.

Filmdə seçkilərdən bir neçə gün əvvəl həbsdən çıxan Şilan adlı gənc qadının avtostopla maşınına mindiyi bir rejissorun gözü ilə Türkiyədəki bələdiyyə idarəetməsi, korrupsiya və bir xalqın necə “OYuna gəldiyi” satirik dillə təsvir edilir.

• "Vəhşi bir həsrətin içinə doğulduq solğun analardan..." - İsveçli şairin məşhur şeiri
• "Unutqanlığın ağır pəncəsi üstünüzdən keçəcək..." - Yuliya Sendreinin şeiri
• "Ağıl və dərrakə hisslərin könüllü qullarıdır..." - Alman mütəfəkkirdən sitatlar