“Dokutoor”un ikinci nümayişi baş tutdu

“Dokutoor”un ikinci nümayişi baş tutdu
24 fevral 2025
# 15:05

DokuBaku Beynəlxalq Sənədli Film Festivalı çərçivəsində keçirilən “DokuToor” proqramı davam edir.

Kulis.az xəbər verir ki, ikinci nümayişdə festivalın son buraxılışında “müsabiqədənkənar” bölmədə iştirak edən və “gələcəklə bağlı nikbin mesajına görə” xüsusi mükafata layiq görülmüş rejissor İonna Kşijevskanın “Səni tanımaq” (Polşa) və eyni bölmədə ikinci xüsusi mükafatın sahibi, kubalı rejissor Hektor Almeydanın “Esteban üçün”, “Yerli filmlər” müsabiqəsinin qalibi, rejissor Ağaəli Sədirlinin “Kaifunun çağırışı” qısametrajlı sənədli filmləri təqdim olunub.

Ağaəli Sədirlinin “Kaifunun çağırışı” filmi insanın öz daxilinə, yaddaşına səyahəti və özünü tanımaq istəyi haqqındadır. Qəhrəman bu yolla daxilindəki xaosu çözməyə və dinclik tapmağa çalışır.

“Səni tanımaq” filmi valideyn olmağa hazırlaşan cütlüyün tərəddüdləri, narahatlıqları, hələ doğulmamış körpəni tanımaq cəhdləri, gələcəklə bağlı ümidlərindən bəhs edir.

“Esteban üçün” filmi də mövzu baxımından digər iki filmə yaxındır. Filmin yaşlı qəhrəmanları xatirələrini, sevgilərini lentə alıb yeni doğulmuş nəvələri Estebana yadigar qoyurlar.

Nümayişdən sonra “Kaifunun çağırışı” filminin rejissoru Ağaəli Sədirli tədbirin moderatoru Aygün Aslanlı və tamaşaçıların suallarını cavablandırıb, filmin necə çəkildiyi, ideyasının necə yarandığı barədə danışıb.

Xatırladaq ki, layihə AR Mədəniyyət Nazirliyi tərəfindən 4 iyul – 2 avqust 2024-cü il tarixlərində qeyri-hökumət təşkilatları üçün mədəni və yaradıcı sənayelərin təşviqi üzrə qrant müsabiqəsinin qalibidir. Layihənin icraçısı Gənc Film İstehsalçıları Assosiasiyasıdır. Azərbaycan Kinematoqrafçılar İttifaqı layihəyə təşkilati dəstək göstərir.

# 1511 dəfə oxunub

Oxşar xəbərlər

"Sultan Süleyman" həbs edildi - Məhkəmə qərarı

"Sultan Süleyman" həbs edildi - Məhkəmə qərarı

16:41 23 may 2025
"Doomsday" və "Secret Wars" təxirə salındı

"Doomsday" və "Secret Wars" təxirə salındı

11:58 23 may 2025
"Oskar" mükafatçısı vəfat etdi

"Oskar" mükafatçısı vəfat etdi

17:39 22 may 2025
Nolandan bir ilk: Bunu da etdi

Nolandan bir ilk: Bunu da etdi

13:06 20 may 2025
“Azərbaycanlıların deportasiyası" filmi təqdim edildi

“Azərbaycanlıların deportasiyası" filmi təqdim edildi

12:53 20 may 2025
Cəfər Pənahi 15 ildən sonra Kannda

Cəfər Pənahi 15 ildən sonra Kannda

12:22 20 may 2025
#
#
# # #