7-ci ANİMAFİLM Beynəlxalq Animasiya Festivalı çərçivəsində fevralın 27-28-də “ANİMAFİLM Gəncədə” festivalı təşkil olunacaq.

Kulis.az xəbər verir ki, tədbir Gəncə Dövlət Kukla Teatrında baş tutacaq və tamaşaçılar üçün ödənişsiz olacaq.

Festivalda yerli və xarici animasiya filmlərinin nümayişi, həmçinin müzakirələr və səsvermə nəzərdə tutulub. Proqram uşaqlar, yeniyetmələr və böyüklər üçün xüsusi seansları əhatə edir.

Tədbir Azərbaycan Animasiya Assosiasiyasının təşkilatçılığı və Azərbaycan Respublikası Mədəniyyət Nazirliyinin dəstəyi ilə keçiriləcək. Qeyd edək ki, Assosiasiya 2018-ci ildən etibarən ANİMAFİLM Beynəlxalq Animasiya Festivalını təşkil etməklə ölkədə milli animasiya sənətinin inkişafına dəstək verir.

Qeyd edək ki, son illərdə regionlarda animasiya sənayesinin təşviqinə yönəlmiş festivallar ənənəyə çevrilib. 2021-ci ildə Şəkidə, 2023-cü ildə Naxçıvanda, 2024-cü ildə isə Lənkəranda ANİMAFİLM festivalları keçirilib. 2024-cü ildə festival beynəlxalq nüfuz qazanaraq Britaniya Kino və Televiziya Sənətləri Akademiyasının (BAFTA) Festivallar Siyahısına daxil edilib.

Festivalın proqramı:

27 fevral 2025-ci il

Uşaqlar üçün animasiya filmləri (7+)
Saat: 12:00 – 14:00
Məkan: Gəncə Dövlət Kukla Teatrı

Uşaqlar üçün animasiya filmləri (7+)
Saat: 15:00 – 17:00
Məkan: Gəncə Dövlət Kukla Teatrı

28 fevral 2025-ci il

Yeniyetmələr və böyüklər üçün animasiya filmləri (15+)
Saat: 14:00 – 16:00
Məkan: Gəncə Dövlət Kukla Teatrı

Festival animasiya sənətinə marağı olan hər kəs üçün açıqdır.

• Əcəmi Naxçıvani haqqında çəkilən filmin çəkilişlərinə başlanıldı
• “Shahin Novrasli” - 5-ci beynəlxalq musiqi festivalı başlanır
• Sovetlərin boğa bilmədiyi "möcüzə " - “Narın rəngi”nin sirri