Mel Gibson yəhudiləri yenidən qəzəbləndirdi

Kino

Ana səhifə
Kino

Mel Gibson yəhudiləri yenidən qəzəbləndirdi

12 sentyabr 2011

11:25

Kulis.azın “The Hollywood Reporter” qəzetinə istinadən verdiyi xəbərə görə Amerikadakı yəhidi icması Warner Bros kino kompaniyasının İuda Makkaveyə həsr olunmuş film çəkmək ideyasını qəzəblə qarşılayıb.

İuda Makkavey İsrailin milli qəhrəmanı, hərbçidir. O, Suriya çarı, iudaizmin kökünü kəsmək istəyən Antiox IV Epifana qarşı mübarizə aparıb.

Ssenari üzərində “Əsas instinkt” filminin sseanristi Co Esterhaz işləyir.
Layihənin prodüseri isə Mel Gibsondur.

O, həm də layihənin rejissoru və baş rolun ifaçısı da ola bilər. Amma son qərarı Gibson ssenari bitəndən sonra verəcək.

İcma nümayəndələrindən biri Abraham Foksmen bəyan edib ki, İuda Makkavey daha yaxşısına layiqdir.

O deyib: “Yəhudilərin milli qəhrəmanlıq tarixini başqa insanların dini baxışlarına hörmət etməyən adama həvalə etmək səhvdir”.

Qeyd edək ki, onların qəzəbinə səbəb Mel Gibsonun “İsa Məsihin əzabları” filmində yəhudiləri peyğəmbərin qatili kimi göstərməsidir.

Rəna Nevzat