“Bu yaxınlarda yazıçı-publisist Zakir Sadatlının “Lent.az-ın kitabxanası” silsiləsindən “Əfqanıstan uçurumu” adlı kitabını nəşr etdirmişdik, müəlliflə bərabər kitabın təqdimatını keçirməyə hazırlaşırdıq”.

Kulis.az-ın verdiyi məlumata görə, bunu Lent.az İnformasiya Agentliyinin Baş Direktoru Qabil Abbasoğlu söyləyib.

Qabil Abbasoğlu bildirib ki, təəssüf, əcəl “Əfqanıstan uçurumu” kitabının təqdimatını müəlliflə birgə keçirməyimizə imkan vermədi: “Öncə yanvarın 28-də “Əfqanıstan uçurumu” kitabının təqdimatını keçirməyi planlaşdırmışdıq. Lakin Zakir Sadatlı övladının toy mərasimi və səhhətindəki ağırlaşmalar səbəbindən bu təqdimatı ertələdi. Təqdimat mərasimini toydan dərhal sonraya salmaq istədik, ancaq Zakir fevralın 15-ni təklif etdi. Çünki fevralın 15-i sovet qoşunlarının Əfqanıstandan çıxmasının ildönümüdür. Kitab da Əfqanıstan müharibəsi ilə bağlı olduğu üçün bununla razılaşdıq. Təəssüf ki, əcəl imkan vermədi”.

Qabil Abbasoğlu deyib ki, Zakir Sadatlıya verdikləri sözü yerinə yetirəcəklər: “Fevralın 15-də “Lent.az-ın kitabxanası” silsiləsindən nəşr olunmuş “Əfqanıstan uçurumu” kitabının təqdimat mərasimini təşkil edəcəyik. Təqdimat mərasiminə Zakir Sadatlının yaxınlarını, həmkarlarını və qələm adamlarını dəvət edəcəyik”.

• "Çığırtı 7" filminin çəkilişlərinə başlanıldı
• Vicdanın amputasiyası: Qorxulu qayğılar - Röya Salmanova
• Xalq artistindən 25 min manat aldı, anasını aldatdı - İlhamə Quliyeva