Dünən “Hürriyət” qəzetinin Web TV-sində bir videoya baxdım.
İstanbulda olanlar bilir, Taksim metrosunun iki girişi var.
Birinci girişdə bizim “Neftçilər”də olduğu kimi, platformaya pilləkənlər düşür.
Digər girişdə isə fiziki qüsurlu vətəndaşlar üçün lift quraşdırılıb.
Lift birbaşa platformaya düşür.
Bu girişin yuxarısında iri şriftlərlə “Əlillər üçün” yazılıb.
Operatorun çəkdiyi kadrlarda onlarla adamın elana məhəl qoymayaraq daha asan olduğu üçün liftli girişdən istifadə etdiyi görünür.
Pilləkənlərlə enmə əziyyətinə qatlaşmayan yoldaşların arqumentləri müxtəlifdir.
Birinin işi var, digərinin yükü ağırdır, o biri yorğundur və s.
Amma dostunu gözləyən görmə əngəllisi liftə minmir.
Jurnalist bu haqda soruşanda deyir: “Axı bu ayaqdan əlil olanlar üçündür, gözdən əlil olanlar üçün deyil”.
Bu hadisə mənə çox təsir etdi.
Bir adamın düşdüyü ağır vəziyyəti anlamaq üçün mütləq o adamın düşdüyü vəziyyətəmi düşmək lazımdır?
Ekzistensialistlər belə deyir, ya da buna yaxın bir şey deyir.
Amma söhbət insan mahiyyətinin dərkindən getmir, adi bir elandan gedir.
O elanda yazılıb ki, sağlam adamlar bu liftdən istifadə etməsin.
Bunu anlamaq üçün ekzistensialist olmağa ehtiyac yoxdur.
Süjetin sonunda gözdən əlil bir vətəndaş görünür.
O liftdən istifadə etmir.
Jurnalistlər səbəbini soruşanda deyir: “Axı bu lift ayaqdan əlil olanlar üçündür, gözdən əlil olanlar üçün yox”.
Başqa söz yazmaq lazımdırmı?
Qan TURALI
P.S. Həmin süjetin linki:
http://webtv.hurriyet.com.tr/2/21382/18647567/1/istanbul-un-gobeginde-buyuk-ayip.aspx
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Onların yeganə vəzifəsi cümlə düzəltməkdir? - Azərbaycanda bədii redaktor problemi
15:00
14 noyabr 2025
"Mən onun mətnləri ilə nəfəs alıram..." - Həmkarlarının Saday Budaqlı barədə fikirləri
17:24
13 noyabr 2025
Azərbaycan nəsrini sanbala mindirən yazıçı - Saday Budaqlının sehirli qalmasının səbəbi nədir?
12:10
13 noyabr 2025
"Dramı yaşayırlar, faciəyə isə layiq olurlar..." - Rolan Barta görə teatr bizə nəyi öyrədir?
10:52
12 noyabr 2025
"O, şərin ən kəskin vəkilidir" - Dostoyevski niyə meşşanlardan yazırdı?
12:00
11 noyabr 2025
İkimiz də sevgimizin kölgəsindəyik... - Günün mahnısı
12:00
7 noyabr 2025
