Bəxtsiz dəvə
Hamı xaricə viza alarkən, Huk – dəvə – gözlənilmədən “persona non-qrata” – “arzuolunmaz şəxs” elan olunub.
Huk polis idarəsinə gedir, ona deyirlər, bağışla, hörgüclü, heç nə edə bilmərik, yaşadığın yerə yollan, vadiyə, çünki sən “arzuolunmaz şəxs” elan olunubsan, viza dalınca get-gəlin mənasızdır.
Və Huk pərişan halda ayaqlarını keçmişinə doğru dartır. Ətrafında doğma və tanış dəvələr yerbəyerdən deyir: “nə olub?”, “ola biməz!” və “nə üçün sən?!”
Nümayəndə heyəti Xarici Əlaqələr Nazirliyinə yollanır, lakin daşsifət məmurların idarəsində qalmaqal yaşanır: “Ağlagəlməz işdir... Dərhal vadiyə gedin... Mütləq araşdırma aparılacaq”.
Huk vadidə bir gün ot didib gövşək vurur, iki gün gövşək vurur.
Bütün dəvələr sərhədi adlayıb, Huk isə bir gün gözləyir, iki gün gözləyir.
Beləcə, yay keçdi, payız keçdi.
Huk yenidən şəhərə gedir. Bir boş meydanda ayaqlarını qatlayıb yerə oturur. Turistlərlə birgə fotoşəkillər çəkdirir, jurnalistlərə müsahibə verir. Saxta şöhrət, vəssalam. O isə güman edir ki, hə, vaxt gəlib çatdı, daha problem olmayacaq və irəli cumur. Amma sərhəddə “dayan” əmri verilir. Axı o, “arzuolunmaz şəxs” elan olunub.
Yenə əvvəlki mənzərə: Huk başını yerə dikir, meydandakı nadir otları didir.
Bir dəfə onun haqqında radioda veriliş gedir və o, xürrəm halda polis idarəsinə qaçır. Orda isə Huk yenidən “arzuolunmaz şəxs” elan olunur.
Huk vadiyə qayıdır və ayaqlarını qatlayıb yerə oturur. Ölgün-ölgün ot didir, burnu yer süpürür. Üfüqün arxasında gizlənən Günəşinn ardınca aram-aram gözlərini yumur. Onun burun dəliyindən fışqırıb sallanan köpük özündən bir qədər böyükdür.
Yazıq Huk!
Ruscadan çevirdi: Əziz RZAZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Bizim yazıçılar Pol Osterdən nəyi öyrənməlidirlər? - Mirmehdi Ağaoğlu
12:00
27 sentyabr 2025
İstedadlı adamın infantil söhbətləri
10:00
26 sentyabr 2025
“Anadolunun qapıları arxasındakı xəzinələr” adlı sərgi keçirildi
14:20
23 sentyabr 2025
Azərbaycanda qadın yazıçılara seksist münasibət
11:45
23 sentyabr 2025
Böyürtkənli torpaq haqqında sevgi dolu kitab - Qulu Məhərrəmli
15:47
19 sentyabr 2025
Qeyri-adi atmosfer cəhdi - Orxan Həsəni oxucunu niyə tanış ədəbi klişelərdən çıxarmaq istəyir?
13:45
19 sentyabr 2025
