"Rus dilini, rus dili mövzusunu Ayaz Salayevin əlindən al, iynə dəymiş şar kimi partalayacaq".

Kulis.az xəbər verir ki, bu sözləri yazıçı Şərif Ağayar rejissor Ayaz Salayev haqqında deyib.

"Ayaz Salayevi çox yaxşı başa düşürəm, adamın rus dilindən başqa heç nəyi yoxdur. Ciddi film: Yox. Ciddi ssenari: Yox. Ciddi bir dərslik kitabı: Yox. Müasir kino haqda bilgiləri: Yox. Camaatın inqilab elədiyi yaşda apardığı verilişin də adı "Retro" idi. İndiyə retro qalar, manıs? Netflix əsrindəyik e... Əlində ortabab bir planşet gir internetə hər saat üçün ayrıca bir "Retro" verilişi tap. Həm də sovet efirindən qat-qat üstün, qat-qat keyfiyyətli, qat-qat azad, qat-qat səmimi.Filmlər haqqında nəinki sənədli, hətta bədii filmlər çəkilir. Ən dəhşətlisi, Ayaz müəllimin kino təəssübkeşliyi, səmimi sənət sevgisi də yoxdur ki, ona sığınıb təskinlik tapsın. O, Andrey Tarkovski, Pazolini, Paracanov kimi fədakar şəxsiyyətlər yetirən kino sənəti ilə ləyaqətli münasibətini Əli Həsənovun fitvası ilə Rüstəm İbrahimbəyovdan 30-cu illər donosu yazanda itirdi. İndi o yalnız iki şeyi bacarır: yaxşı yemək yemək və boş-boş danışmaq. Xülasə, rus dilini, rus dili mövzusunu Ayaz Salayevin əlindən al, iynə dəymiş şar kimi partalayacaq və yerdə yaxşı qoxu gəlməyən havadan başqa heç nə qalmayacaq".

Qeyd edək ki, Ayaz Salayev Kulis.az-a müsahibəsində "Mənim birinci dilim rus dilidir" demişdi.

• Ayrılmış qızlar, çeçenka saç və makasinli qaqalar - Əlixanın sonuncu filmi niyə uğursuzdur?
• Türkləri və yəhudləri qıranlar kimlərdir?
• Azərbaycanın iki animasiya filmi beynəlxalq festivalda