writer1

Hədiyyə Şəfaqət

Məqalə sayı

19
clock16:54 calendar-gray 29 Mart 2017 view-gray56 dəfə oxunub
view-gray56 dəfə oxunub

Savaşdan əvvəl kim idin?

Kulis.az Hədiyyə Şəfaqətin “Teatr” yazını təqdim edir.

- Müharibədən əvvəl kim idin?

- Mən aktyoram

- Hər şey bitəndən sonra teatra gələcəyəm və səni alqışlayacam...

Bu günlərdə “Portağal bağçası” filminə baxırdım. Yuxarıdakı dialoq da həmin filmdəndir. Dünənki aktyor, bugünkü muzdlu döyüşçü. Ona vətən üçün vuruşduğu deyilib, onların hamısına beyninə yeridilir ki, vətən üçün vuruşurlar, lakin içdə səmimi və kədərli səbəb durur: “Yaxşı pul verirlər” və “Ailəm üçün burdayam...”

Hər səhər dəstəyi azacıq boşaldığından bir qədər çətinliklə açılıb-örtülən qapıdan məni küçə, şəhər və bir mənada dünyadan ayıran, hüzur duyduğum binaya daxil oluram. Əlimi dəstəyə uzadanda gülümsəyirəm, onu düzəltmək heç kimin ağlına gəlmir, bəlkə də bir vint bərkidilməlidir, amma bu, heç kimi narahat etmir.

Pilləkənləri hər gün eyni coşquyla qalxıram, dəhlizlərdən gülümsəyərək keçirəm. Adətən, səhər səssizlik olur, ara dəhliz qaranlıqdır, ancaq mən işıqları yandırmıram - bu keçid dəhlizinin mənim üçün xüsusi anlamı var - o bir işıqlı dəhlizdən digərinə körpü kimidir. Və bu körpünün üstündə üç geniş otaq - məşq otaqları var. Geniş pəncərəli, günəşli, işıqlı otaqlar. Onların qapısı açıq olanda dəhliz işıqlanır, lakin mən onları qapayıram.

Elə bilirəm ki, o işıq o otaqlarda qalmalıdır. Çünki həmin otaqlarda məşq edən aktyorlar hərəsi o işıqdan bir ovuc götürüb özləriylə səhnəyə aparacaqlar... Aktyorların ovuc-ovuc daşıyıb səhnəyə aparacağı, zaldakı tamaşaçıya ötürəcəyi işıq səhərlər sadəcə mənim ayağımın altını işıqlandırmaq üçün xərclənməməlidir. Mənim o işığa heyfim gələr...

- Yox, yox, yox! Alınmadı. Sən burda hökm etməlisən, öz şikarını ələ keçirib onu oynadan heyvan kimi. Bu rola özünü soyunub gəlməlisən. Unutmalısan özünü, özündəki adamı, sən onu atmalısan, unutmalısan, sən obraz olmalısan. Unutmalısan ki, onu oynayırsan, unutmalısan ki, sən o deyilsən - sən “O”-san...

Aktyor susur. Məşqlər təzə başlayıb, o, bilir, o, bilir ki, canlandıracağı obraz o deyil və ona yad olan xarakterə qarşı mübarizə hələ davam edir...

Mən səssizcə onu müşahidə edirəm. Gənc aktrisalar daha rahat yaşayırlar öz obrazlarını, lakin o, bir qədər yaş yetirmiş adam, mənfi, hiyləgər, pozuq əxlaqlı digər adamı qəbul edəmmir. Hələlik qarşı çıxır, özü deyil, qəlbinin dərinliyindəki bir hiss - o hiss ki, məsələn mən eyniylə həmin hisslə öldürməyə qarşıyam - ona mane olur...

Amma o, öz rolunu oynamalıdır. Ya da rejissorun dediyi kimi, onu oynamamalıdır, dönüb O olmalıdır...

Aktyor bilir ki, O ola bilməmək onun məğlubiyyətidir...

Obraz mənfidir, səhnə güzgüdür, o isə sadəcə yaxşı adamdır...

Amma o aktyordur, küçəylə bina arasındakı qapı kimi, o da vasitədir, hansı ki, zaldakı tamaşaçı ondan daxil olaraq xarakteri duyacaq və yaşayacaq, ona hopacaq və içində götür-qoy edəcək ki, “Nə üçün?”

Beləliklə, bu bir savaşdır.

Amma mən indi buna qarşı deyiləm...

Mən sakitcə aktyoru müşahidə edirəm və bilirəm ki, əgər ehtiyac yaranarsa, bu adam, oynamalı olduğu mənfi rola iç savaş verən adam daha dəhşətli şeylər edə bilər. Bəlkə bir gün bir yerdə ondan da soruşacaqlar:

- Savaşdan əvvəl kim idin?

- Aktyordum

- Niyə döyüşürsən?

- ....

Yox, artıq buna qarşılıq heç birimizin cavabı yoxdur.

Heç birimizin...

Paylaş

REKLAM

Yazarın digər yazıları

Xəbər lenti

Vəfa Fətullayevaya tapılmayan qəbir yeri – 32 illik matəm yazısı
21:00 21 May 2019
Rəsul Rza mükafatı təqdim olundu
18:25 21 May 2019
Varis “Puşkin medalı” ilə təltif olunacaq
17:32 21 May 2019
Bəstəkar Oqtay Kazıminin mahnılarından ibarət konsert olacaq
17:03 21 May 2019
Məşhurlar öz gəncliyi ilə... - Fotolar
16:48 21 May 2019
Onlara 898 min manat məbləğində Prezident mükafatı verilib
16:05 21 May 2019
Milli kinofestival təsis olundu
15:45 21 May 2019
Kventin Tarantino tamaşaçılara məktub yazıb -Mətn
15:11 21 May 2019
Qəşəm Nəcəfzadənin 60 illiyi qeyd olunub
14:22 21 May 2019
Gənc yazar AYB-ni hədələdi: “Əlimdə dəhşətli faktlar var...”
13:45 21 May 2019
Bakıdakı auksionda ən böyük məbləğ bu oldu - Siyahı
13:28 21 May 2019
Orxan Pamukun əsəri Bakıda tamaşaya qoyulub
13:01 21 May 2019
Yuxularda gəzən qızlar - Ramiz Rövşəndən oxumadığınız şeirlər
12:40 21 May 2019
Gənc yazarı AYB-dən qovurlar – Sensasiya
12:19 21 May 2019
Anar Salam Sarvana cavab verdi: “Belə ağıllıdırsa...”
12:04 21 May 2019
Azərbaycan və Türkiyə komikləri bir filmdə
11:47 21 May 2019
“Yazıçılar Birliyi dövlətin ayırdığı pulları havaya sovurur” – Salam Sarvandan qalmaqallı müsahibə
11:32 21 May 2019
Falçının cadu ilə ərə verdiyi biznesmen
11:02 21 May 2019
“Komandir” romanının növbəti təqdimatı olacaq
10:29 21 May 2019
Jurnalisti Kann festivalına buraxmayıblar
10:15 21 May 2019