Kulis.az tanınmış yazıçı Ramiz Qusarçaylı əsgər məktubunu təqdim edir.
Azərbaycan əsgərinə Vətənimizin bütövlüyü, müstəqilliyimizin əbədiliyi, üçrəngli bayrağımızın müqəddəsliyi, şəhidlərimizin ölməz ruhunun əzəməti torpaqlarımızı göz bəbəyi kimi qoruyan əsgərlərimizin içdiyi hərbi anda sədaqətindən, cəsur və intizamlı xidmət həyatından, hərb işinə vicdanla yiyələnməsindən və yenilməz şücaətindən keçir.
Tarix boyu yadların işğalına məruz qalan torpaqlarımızın fəryadından başlayıb Qarabağ uğrunda gedən döyüşlərdəki qazilərimizin döyüş əzminədək ağrılı-acılı yol keçən hərbimiz qeyrətli oğulların Vətənimizin yaralı xəritəsinin bərpası uğrundakı mübarizəsinə köklənib. Bu gün Vətənin əsgər övladı azadlıq mücadiləsinin Qarabağın hər qarışından - Şuşadan, Xankəndindən, Xocalıdan, Ağdərədən, Xocavənddən, Kəlbəcərdən, Zəngilandan, Qubadlıdan, Laçından və digər işğal altındakı ərazilərdən doğulub boy tutacağını dəqiq bilir, torpaqlarımızın əsarətdən azad olunmasının məsuliyyətini tam ciddiliyi ilə anlayır.
Azərbaycan əsgəri onu da anlayır ki, öz qəhrəmanlıqları ilə şəhid-şəhid salnamələr yazan balalarımızın, düşmən əsirliyində inləyən oğul və qızlarımızın, yağının əlinə keçməsin deyə yeganə qızını güllələyən atanın, əsir düşməmək üçün hıçqıra-hıçqıra özünü qayadan atan gəlinin, ümumiyyətlə qana bulaşan torpağın qisası alınmayınca və Qələbə müjdəli bayrağımız həmin qanlı torpağa sancılmayınca şəhidlərimizin ruhu ovunmaz, yurd-yuvamız xoşbəxt-xoşbəxt çiçəkləməz...
Bəli, Qələbə müjdəli bayrağımız, üçrəngli Azərbaycan bayrağımız! Hansı ki:
Şuşada sən qonduğun daşa pir deyəcəyəm,
Çəkəcəyəm gözümə kölgən düşən torpağı
Azərbaycan bayrağı!
GÖNDƏR O bayrağı Şuşaya sancacaq Azərbaycan əsgərinə eşq olsun!
Qeyd: Siz də Azərbaycan əsgərinə ürək sözlərinizi yazmaq istəyirsinizsə, esgeremektub.com saytına daxil olun və məktubuzu yazın. Məktublarınız 26 iyun – Silahlı Qüvvələr Günündə əsgər və zabitlərimizə çatdırılacaq.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
