Şairlər qüsurlu insanlardır

Yazarlar

Ana səhifə
Yazarlar

Şairlər qüsurlu insanlardır

17 avqust 2012

10:09

(Cəlil Cavanşirin xanım həmkarına yazdığı şeiri və o xanımın cavabını oxuyandan sonra taksidə edilən qeydlər)

Əslində şairlər bu dünyanın qüsurlu doğulmuş övladlarıdır. Onlar heç vaxt ətrafdan istədikləri sevgini görməyəcəklər. Başlarına çəkilən butün sığallar təmənnalı və müvəqqəti olacaq. İçəri axıtdıqları göz yaşları içdikləri bütün şərablar kimi başağrısı verəcək.

Haqlarında ən yaxşı sözlər öləndən sonraya saxlanılacaq (ölənin arxasınca pis danışmazlar-minnəti ilə). Çünki o zaman artıq geniş böyük ürəkləri ilə kəmsənin yerini bu dünyada dar etməyəcəklər.

Əslində şairlər heç də Allaha yaxın insanlar deyillər. Onlar sadəcə torpaqdan uzaq insanlardılar. Və onların xoşbəxtliyi məhz bu qüsurla doğulmalarıdır...

Məncə əlilliyin 1-ci, 2-ci, 3-cü dərəcələri olduğu kimi, şairlik dərəcəsi də olmalıdır...

(Yazarın Facebook səhifəsindən götürülüb)