"Şükriyyə" Gəncədə nümayiş olundu

"Şükriyyə"  Gəncədə nümayiş olundu
15 oktyabr 2024
# 15:41

Azərbaycan Dövlət Akademik Milli Dram Teatrı oktyabrın 14-də yazıçı Cavid Zeynallının “Şükriyyə” pyesi əsasında Əməkdar incəsənət xadimi Bəhram Osmanovun quruluş verdiyi eyniadlı tamaşanı Gəncə Dövlət Milli Dram Teatrında nümayiş etdirib.

Kulis.az xəbər verir ki, yeni yaradıcılıq işində əməkdar artist Münəvvər Əliyeva, xalq artisti Nurəddin Mehdixanlı, xalq artisti Əli Nur, əməkdar artistlər Mehriban Xanlarova, Vəfa Rzayeva, aktyorlar Afət Məmmədova, Rada Nəsibova, Ləman İmanova, əməkdar artist Şəlalə Şahvələdqızı, aktrisa Dilarə Nəzərova, aktyor Rüstəm Rüstəmov, aktrisalar Aylin Həşimova, Lalə Süleymanova, Nəzrin Abdullayeva, aktyorlar Elsevər Rəhimov və Tural İbrahimov çıxış ediblər.

Tamaşanın səhnə tərtibatçısı Samirə Həsənova, geyim üzrə rəssamı Aygün Mahmudova, işıq rəssamı Rafael Həsənov, musiqi tərtibatçısı Kamil İsmayılov, rejissor assistenti Nərmin Həsənovadır.

Qeyd edək ki, tamaşa Azərbaycanın istiqlal şairi Əhməd Cavadın həyat yoldaşı Şükriyyə Axundzadənin Qazaxıstandakı sürgün həyatı haqqındadır. O, 1937-ci il oktyabrın 14-də həbs olunub. Şükriyyə xanıma 8 il həbs cəzası verilib və “xalq düşməninin arvadı” kimi Şimali Qazaxıstanın Akmolinski vilayətinə – əmək koloniyasına göndərilib.

Səhnə əsəri Gəncə tamaşaçıları tərəfindən böyük maraqla qarşılanıb.

# 1162 dəfə oxunub

Oxşar xəbərlər

Gürcüstanın Milli Teatrı ilə memorandum imzalanıb

Gürcüstanın Milli Teatrı ilə memorandum imzalanıb

12:47 23 fevral 2025
Gənc Tamaşaçılar Teatrının aktyoru yubiley yaşını qeyd edir

Gənc Tamaşaçılar Teatrının aktyoru yubiley yaşını qeyd edir

16:03 21 fevral 2025
Naxçıvan Dövlət Kukla Teatrına direktor təyin olundu

Naxçıvan Dövlət Kukla Teatrına direktor təyin olundu

09:10 19 fevral 2025
Hər kəs “Sehrbazlar dərəsi”nin sehirli aurasına düşmüşdü

Hər kəs “Sehrbazlar dərəsi”nin sehirli aurasına düşmüşdü

11:20 17 fevral 2025
"Sehrbazlar dərəsi" tamaşasının premyerası olub

"Sehrbazlar dərəsi" tamaşasının premyerası olub

18:43 16 fevral 2025
Musiqili Teatr mart repertuarını açıqlayıb

Musiqili Teatr mart repertuarını açıqlayıb

11:33 14 fevral 2025
# # #