"Şahnamə" tamaşasının məşqlərinə başlanıldı

"Şahnamə"  tamaşasının məşqlərinə başlanıldı
15 yanvar 2025
# 11:31

Dövlət Milli Gənc Tamaşaçılar Teatrında "Şahnamə" tamaşasının məşqlərinə başlanılıb

Teatrın mətbuat xidmətindən Kulis.az-a verilən məlumata görə, yaradıcılıq işlərinə başlanılan yeni səhnə əsəri yazıçı-dramaturq İlqar Fəhminin "Şahnamə" pyesi əsasında hazırlanan eyniadlı tamaşadır.

Azərbaycan Dövlət Milli Gənc Tamaşaçılar Teatrının direktoru Naidə İsmayılzadə, əsərin müəllifi İlqar Fəhmi tamaşanın yaradıcı heyəti ilə görüşüb, yeni işdə kollektivə müvəqiyyətlər arzu edib.

"Şahnamə"nin quruluşçu rejissoru Əməkdar artist Nicat Kazımov, quruluşçu rəssamı Mustafa Mustafayev, bəstəkar Azər Hacıələsgərli, rejissor Səbinə Məmmədzadə, rejissor assisenti Fuad Cavadzadədir.

Tamaşada Xalq artisti Qurban İsmayılov, Əməkdar artistlər Nicat Kazımov, Elnur Kərimov, Nofəl Vəliyev, Elnur Hüseynov, Rasim Cəfərov, aktyorlar Mirsənan Kazımlı, Mətləb Abuşov, Bəhram Həsənov, Niyaz Qasımov, Kərəm Hadızadə, Aydın Dəmirov, Elşən Hacıbabayev, Ramil Məmmədov, Vahid Orucoğlu, Anar Seyfullayev, Ceyhun Məmmədov, Elşən Şıxəliyev, Manaf Dadaşov, Rəşad Səfərov, Elgün Yəhyayev, Anar Səfiyev, İlhan Sadıqov, Nurlan Süleymanlı, Hüseyn Bayramov, Ramiq Nəsirov, Tahir İsmayılov, Vüqar Məmmədəliyev, Xaliq Bəkirov, Hilal Dəmirov, Eldar İmanov, Yaşar Heydərli, Səbinə Məmmədzadə, Xalidə Əlməmmədova iştirak edirlər.

Dördhissəli tarixi-psixoloji dram olan "Şahnamə" tamaşası Səfəvi imperiyasının hərbi, iqtisadi və siyasi baxımdan zirvədə olduğu dövrdə 16 yaşlı Şah Abbasın hakimiyyətə gəlişindən, ölkə sərhədlərini genişləndirmək, ərazi bütövlüyünü qorumaq uğrunda apardığı döyüşlərdən, saraydaxili qanlı toqquşmalardan bəhs edir. Tarixin ən parlaq və ziddiyyətli fiqurlarından olan Şah Abbas ömrünün son günlərində belə hakimiyyətin və ölkənin taleyi naminə soyuqqanlı, amansız qərarlar qəbul etməkdən çəkinmir.

# 2301 dəfə oxunub

Oxşar xəbərlər

Kventin Tarantinodan ilk teatr tamaşası

Kventin Tarantinodan ilk teatr tamaşası

10:30 21 avqust 2025
“Romeo və Cülyetta” əsəri qeyri-adi quruluşda...

“Romeo və Cülyetta” əsəri qeyri-adi quruluşda...

10:30 4 avqust 2025
“Axirətdən gələn zəng” tamaşası yeni quruluşda

“Axirətdən gələn zəng” tamaşası yeni quruluşda

18:37 14 iyul 2025
Aydın Talıbzadə:  "O, sovet hökumətinin köləsidir..."

Aydın Talıbzadə: "O, sovet hökumətinin köləsidir..."

09:00 8 iyul 2025
Kukla Teatrı “Sirli dolça”nın premyerasına hazırlaşır

Kukla Teatrı “Sirli dolça”nın premyerasına hazırlaşır

14:00 2 iyul 2025
 “M.S.S”  tamaşasının premyerası keçirildi

“M.S.S” tamaşasının premyerası keçirildi

17:10 1 iyul 2025
#
#
Ana səhifə Yazarlar Bütün xəbərlər