Qazax Dövlət Dram Teatrı noyabrın 3-də Qazaxıstanın Astana şəhərində keçirilən “TEATR ALL” III Beynəlxalq Teatr Festivalında iştirakını uğurla başa çatdırıb.
Kulis.az xəbər verir ki, teatr yazıçı, dramaturq Roza Mukanovanın eyniadlı tragikomediyası əsasında hazıladığı “Çadır altında – mən” tamaşasını Maksim Qorki adına Qazaxıstan Dövlət Akademik Rus Dram Teatrında nümayiş etdirib.
Bu festival çıxışı tamaşaçılar tərəfindən maraqla qarşılanıb.
Festival sonra mükafatlandırma həyata keçirilib. Tamaşanın aktyorlarından əməkdar artist Xəzər Gəncəli “ən yaxşı aktyor” nominasiyasında mükafata layiq görülüb.
Tamaşanın nümayişində əsərin müəllifi Roza Mukanova və Azərbaycanın Qazaxıstandakı səfiri Ağalar Atamoğlanov da iştirak edib. Tamaşadan sonra teatrın kollektivi ilə xatirə fotosu çəkdirilib.
Tamaşanın quruluşçu rejissoru əməkdar artist Musa Eyyubov, quruluşçu rəssamı Aysan Omarova, musiqi tərtibatçısı Vahid Bayramovdur.
“TEATR ALL” III Beynəlxalq Teatr Festivalı Abay Dövlət Mükafatı laureatı, Qazaxstanın istedadlı rəqqası, caz artisti, yazıçı, dramaturq, əməkdar incəsənət xadimi Roza Mukanovanın 60 illik yubileyinə həsr olunmuşdu.
Festivalda Qazax Dövlət Dram Teatrı ilə yanaşı, Qazaxıstan, Qırğızıstan Respublikalarının müxtəlif teatrları iştirak edirdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər