Rusiyanın Bryansk vilayətinin Mqlin şəhər 2 nömrəli orta məktəbində azərbaycanlı uşaq yazıçısı Vüqar Haqverdiyevin “Qarınqulu ayı balası” pyesi əsasında eyniadlı tamaşa hazırlanıb.
Kulis.az xəbər verir ki, tamaşa məktəbin nəzdində fəaliyyət göstərən “Kobolok” kukla teatrında səhnələşdirilib.
Tamaşanın quruluşçu rejissoru teatrın rəhbəri, texnologiya və təsviri incəsənət müəlliməsi Tatyana Dmitrievna Koşelevadır. 5 və 6-cı sinif şagirdlərinin kuklalarla hazırladığı səhnə əsərinə, ilk əvvəl valideyn baxışı keçirilib. Valideynlər tərəfindən yüksək qiymətləndirilən əsər dekabrın 19-da məktəbin akt zalında aşağı sinif şagirdləri üçün nümayiş olunub. Tamaşa balaca izləyicilər tərəfindən böyük sevgi və alqışlarla qarşılanıb.
Xatırladaq ki, “Qarınqulu ayı balası” pyesi bu il Ulyanovsk vilayətinin tanınmış “Karabaz-Barabaz” Böyük Kuklalar Teatrında da səhnələşdirilərək uşaqlara təqdim olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər