Azərbaycan Dövlət Kukla Teatrında sənət ocağının həssas qruplardan olan uşaqlara bayram sovqatı - "Şaxta Baba haradadır?" tamaşasının premyerası baş tutub.

Kulis.az xəbər verir ki, premyeranın ilk qonaqları Vətən müharibəsi şəhid və qazilərinin övladları, eləcə də əllliyi olan uşaqlar olub.

Birhissəli uşaq tamaşasının (azərbaycan dilində) səhnələşdirəni və quruluşçu rejissoru Saida Haqverdiyeva, quruluşçu rəssamı İqbal Əliyevdir.

• 500 ildir davam edən Çaldıran döyüşü niyə bitmir?
• Rejissorumuzun film layihəsi CEDOC Marketdə iştirak edib
• "Dedilər, Verək Məhkəməyə..." - Meyxanaçı Rüfət Nasosnu Kəramət Böyükçöl haqqında

Tamaşada personajları (kukla və canlı plan olmaqla) teatrın aktyorları Aygül Ağayeva, Səriyyə Mansurova, Cavid Telman, Elnur Xəlilov, Araz Həsənli, Elxan İsmayılov, Könül Nəsibova, Vüqar İsmayılov, Səbinə Məmmədova və digərləri canlandırırlar.

Musiqi tərtibatlı tamaşanın əsas ideyası uşaqları nağıllar aləminə aparmaqla onların bu sehr dolu dünya ilə təmasına nail olmaqdır.

Bir saatlıq səhnə işində milli və dünya klassik nağıl qəhrəmanları, az qala, hamımıza tanış personajlar bir səhnədə toplaşaraq şənliyə gedərkən yolunu itirib, sıx meşənin dərinliklərində azan Şaxta Babanı axtaracaqlar.

Qeyd edək ki, macəra dolu tamaşa 5 yanvar 2025-ci il tarixinədək hər gün dörd seans (12, 14, 16, 18.00) nümayiş olunur.

• 500 ildir davam edən Çaldıran döyüşü niyə bitmir?
• Rejissorumuzun film layihəsi CEDOC Marketdə iştirak edib
• "Dedilər, Verək Məhkəməyə..." - Meyxanaçı Rüfət Nasosnu Kəramət Böyükçöl haqqında