O gün isə iki erməni Ankara aeroportunu qana bulamışdı... TERROR TARİXİ

O gün isə iki erməni Ankara aeroportunu qana bulamışdı... <span style="color:red;"> TERROR TARİXİ
29 iyun 2016
# 12:22

Dünən gecə İstanbulun Atatürk aeroportunda baş vermiş terror aktı yaddaşlara 1982-ci ilin 7 avqustunda Ankaranın Əsənboğa aeroportunda erməni terror təşkilatı ASALA-nın törətdiyi terror aktını gətirib.

Kulis.Az-ın məlumatına görə terror aktının icraçıları Livan erməniləri Zöhrab Sarkisyan və Levon Əkməkçiyan olub. Onlar ağzınacan insanla dolu gözləmə zalının ortasında bomba partlatdıqdan sonra pasport nəzarəti əməkdaşlarına və reysə minmək üçün növbədə dayanan sərnişinlərə avtomatdan atəş açmağa başlamışdılar.

Sonra terrorçular kafeyə girərək 20 nəfəri əsir götürmüşlər. Türk xüsusi təyinatlılarının əsirləri azad etmək üçün keçirdikləri əməliyyat zamanı Sarkisyan öldürülmüş, Əkməkçiyan isə yaralı vəziyyətdə həbs olunmuşdur.

Terror aktı və iki saatlıq atışma zamanı 9 nəfər dünyasını dəyişmiş, 72 nəfər isə yaralanmışdır. Ölənlər arasında ABŞ-dan olan qadın, Almaniyadan olan mühəndis, 3 türk polisi, eləcə də sərnişinlər və hava limanı əməkdaşları vardı.

Terror aktına görə məsuliyyəti ASALA öz üzərinə götürmüşdür. ASALA onu da elan etmişdir ki, əgər bir sıra Qərb ölkələri onlarda həbsdə yatan 85 erməni məhbusu azad etməsə, bu ölkələrin nümayəndəliklərinə qarşı hücumlar təşkil edəcək.

Həbsxanada Əkməkçiyan peşman olduğunu etiraf edərək ölənlərin ailəsindən üzr istəsə də məhkəmə onu edam hökmünə məhkum etmiş və faşist terrorçu dar ağacından asılmaqla edam edilmişdir.

Həbsxanadan Əkməkcyan özünün ASALA-dakı yoldaşlarına müraciət etmiş və türklərin ermənilərin düşməni olmadığını bildirməklə onları zorakılıqdan çəkinməyə çağırmışdır.

Artur Penik adlı erməni əsilli Türkiyə vətəndaşı isə ASALA-nın terror aktına etiraz əlaməti olaraq özünü yandırmış və bir neçə gün xəstəxanada qaldıqdan sonra vəfat etmişdir. O xəstəxanada Atatürkün hüzurunda ölmək arzusunu da dilə gətirmişdi.

Atışmada öldürülən Zöhrab Sərkisyanın meyidi Ankarada, kimsəsizlər qəbiristanlığında heç bir iz qoyulmadan basdırılmış, edam edilən Levon Əkməkçiyanın qəbrinin 2006-cı ildə isə ailəsinin istəyi ilə Fransaya köçürülməsinə icazə verilmişdir.

P.S. Materialın hazırlanmasında Wikipedia və digər internet resurslarından istifadə olunmuşdur.

# 1265 dəfə oxunub

Oxşar xəbərlər

Macarların türklərə sevgisinin səbəbi nədir? - Budapeştdən reportaj

Macarların türklərə sevgisinin səbəbi nədir? - Budapeştdən reportaj

15:00 12 iyul 2024
Məşhur “Qarabağ” mahnısının qəribə taleyi - Erməniyə görə qovulan bəstəkar

Məşhur “Qarabağ” mahnısının qəribə taleyi - Erməniyə görə qovulan bəstəkar

21:00 9 iyul 2024
"Bozqurd" işarəsi necə yaranıb? - Araşdırma

"Bozqurd" işarəsi necə yaranıb? - Araşdırma

16:50 9 iyul 2024
Əbədi əsgər  - Tərlanə Yaqubqızı

Əbədi əsgər - Tərlanə Yaqubqızı

16:00 25 iyun 2024
Türklərin başımızda çatlayan tarixi borcu - Tualetdə boğulan 60 nəfər kim idi?

Türklərin başımızda çatlayan tarixi borcu - Tualetdə boğulan 60 nəfər kim idi?

16:30 24 iyun 2024
Ölkə rəhbərinin ad gününə görə ləngidilən dəfn mərasimi – Əcəl, yoxsa qətl?

Ölkə rəhbərinin ad gününə görə ləngidilən dəfn mərasimi – Əcəl, yoxsa qətl?

12:00 16 iyun 2024
# # #