Kim çıxır ağaclara, həyətimiz necədi? – İşğal Şeiri

Kim çıxır ağaclara, həyətimiz necədi? – İşğal Şeiri
23 iyul 2018
# 11:03

Bu gün Ağdamın işğal günüdür. Kulis.az bu münasibətlə ağdamlı şairə Mina Rəşidin “Mənim Qiyaslı kəndim” şeirini təqdim edir.

Mənim Qiyaslı kəndim,

De, evimiz necədi?

Kim çıxır ağaclara

Həyətimiz necədi?

Xallı, qara, ağ gilas...

Ağacların dururmu?

Söyüdlərin qoynunda

Quşlar yuva qururmu?

Həyətlərin xalısı

Bənövşəli, nanəli.

Neçə rəngdən naxışlı

Zəncirotu, laləli.

Uzanıb məxmər gülü

Pəncərədən baxırmı?

Bağçamızın içindən

Sular şır-şır axırmı?

Qoynu gülüstan kəndim,

Sənin qoxun başqadı.

Sənin göyün, buludun,

Varın-yoxun başqadı.

Güllə dəydi köksünə

Ağaclar yaralandı.

Yerdə uşaqlar uçdu,

Göydə quşlar dayandı...

Görüşdük hospitalda

Oğlu çox yaralıydı.

Qonşumuz Gözəl xala

Görən indi hardadı?

Badam xalanın qızı

Xocalıya köçmüşdü.

Şəhid oldu dünyası

Dərdi dillərə düşdü.

Biz də çöllərə düşüb

Yollar yorğunu olduq.

Əvvəl çadır, vaqonda,

Sonra yataqxanada

Üzünə həsrət qaldıq.

...Gün gələcək bitəcək

Bu həsrət, bu qüssə-qəm.

Darıxma, gözəl kəndim,

Hələ ölməmişəm mən!

Image result for mina rəşid

# 1639 dəfə oxunub

Oxşar xəbərlər

Dinməz-söyləməz! – “İç xəbərin Sərxanı” üçün…

Dinməz-söyləməz! – “İç xəbərin Sərxanı” üçün…

15:55 25 aprel 2025
Mircəfər Bağırovun ölümdən xilas etdiyi şair - İlk sərbəst şeirin müəllifi kimdir?

Mircəfər Bağırovun ölümdən xilas etdiyi şair - İlk sərbəst şeirin müəllifi kimdir?

12:00 25 aprel 2025
43 nəfərin qatili  ilə Nazım Hikməti birləşdirən nə idi?

43 nəfərin qatili ilə Nazım Hikməti birləşdirən nə idi?

09:37 21 aprel 2025
"Ertəsi gün evimizi yoxlamaq üçün komissiya gəldi..." - Nazir qızının xatirələri

"Ertəsi gün evimizi yoxlamaq üçün komissiya gəldi..." - Nazir qızının xatirələri

09:00 12 aprel 2025
Zəngəzurlu mücahidin evində - Dilqəm Əhməd

Zəngəzurlu mücahidin evində - Dilqəm Əhməd

11:00 10 aprel 2025
Anqolanın ilk prezidenti niyə Moskvada öldü? - Tarixin kulisi

Anqolanın ilk prezidenti niyə Moskvada öldü? - Tarixin kulisi

09:00 3 aprel 2025
#
#
# # #