Kulis.az müasir dövrdə mövcud olmayan on tarixi peşəni təqdim edir.

1. Siçovultutan

Viktorian epoxası zamanı siçovultutanlar olduqca gərəkli peşə sahibləri idilər. Onlar siçovulların Londonda populyasiyasını tənzimləyirdilər. Siçovulları daha çox çılpaq əllə tutur, bəzən isə siçovul zəhərindən, tələdən, həmçinin teryer cinsi itlərdən istifadə edirdilər.

2. Roma orgiyalarının təşkilatçısı

Qədim Romada orgiyalara olduqca ciddi yanaşırdılar. Buna görə bu tip tədbirlərin təşkilatçılarının çiyninə böyük məsuliyyət düşürdü. Axı hər şey yağ kimi getməli idi. Bu adamlar yeməklərdən tutmuş, qonaqların siyahısına və orgiyanın keçiriləcəyi yerə qədər hər bir detalı nəzərə almalı idilər. Ən məşhur orgiya təşkilatçısı Qay Petroni olub. O, hətta öz qəribə peşəsi haqqında kitab belə yazıb.

3. Cəsəd oğrusu

Ölüdirildənlər (yaxud cəsəd oğruları) – o dövrdə mövcud olan tibb məktəblərinin ştatdankənar işçiləri sayılırdılar. Onlar qəbirdən ölünü çıxarıb məktəbə aparır, burada tibb mütəxəssisləri onları tədqiq edirdilər. Nəhayət bu iş ciddi problemə çevrildi. Çünki iki qatil sadəcə sonradan meyitləri satmaq naminə qəsdən adam öldürürdü.

4. Kompüter

Müasir kompüterlər çıxana qədər onların işlərini insanlar yerinə yetirirdirlər. Hətta bir zamanlar NASA-da bu adda rəsmi vəzifə varmış. Əksəriyyəti qadınlardan ibarət olan bu kompüterlərin işləri riyazi hesablamaları aparmaqdan ibarət imiş. Bundan başqa qadınlar başlarında səhvsiz hesablama aparmalı idilər, bunun üçün xüsusi metodu bilməli idilər.

5. Ornatris (kölə - bərbər qadın)

Ornatris – kölə parikmaxer qadınların xidmətindən Qədim Romada geniş istifadə olunurdu. Hər varlı ailədə ornatrislər olur, onlar ən son dəblə maraqlanır və onu tətbiq edirdilər. Bu gün Qədim Roma incəsənət əsərlərində və pullarında gördüyümüz saç formaları həmən ornatrislərin təxəyyüllərinin məhsuludur.

6. Natiq

İndiki ofis işçiləri adətən radio dinləyirlər. Əvvəllər isə zavod və fabrik işçilərini xüsusi natiqlər əyləndirirdi. Natiqlərin vəzifələri fəhlələrə son xəbərləri və bədii əsərlər oxumaqla onları əyləndirmək idi.

7. Bərbər-cərrah

Bizim dövrümüzdə bərbərlərin işləri xeyli asanlaşıb. 1500-cü illərdə isə onlar saç kəsmək, bit təmizləmək, üz qırxmaqla yanaşı, diş çəkir, hətta qan alırdılar.

8. Pişiklərə ət paylayan

Viktorian dövründə pişiklər yüksək səviyyədə qidalanırdılar. Onların gündəlik qida rasonuna ət də daxil idi. Əti onlara xüsusi kuryer çatdırırdı. Kuryerlər sallaqxanadan əti alıb xüsusi şişlərə keçirir və evlərin kandarına qədər gəlib pişikləri yemləyirdilər.

9. Kimyagər

Kimyagər işi yəqin ki, tarixdə ən maraqlı peşə olub. Onların işi müxtəlif eksperimentlər yolu ilə qurğuşunu qızıla çevirmək idi. Bu peşə haqqında müxtəlif rəvayətlər mövcuddur. Hətta deyilənə görə Nostradamus kimyagərlik sayəsində ölümsüzlük qazanıb. Mirzə Fətəli Axundovun “Hekayəti Molla İbrahim-Xəlil Kimyagər” pyesində bu peşə sahibləri tənqid olunur.

10. Kareta daşıyan

Kölələrin gördüyü ən ağır işlərdən biri yəqin ki, kareta daşımaq olub. Bu adamların işi yüksək cəmiyyət adamlarını karetada daşımaq və adamları özlərinin qlamur məkanlarına çatdırmaq idi. Şərqdə buna kəcavə deyirdilər. Fayton kimi qoşqu vasitələri çıxandan sonra bu peşəyə də tələbat kəsildi.

• İnsanın doğulması - Qorkinin hekayəsi
• Tiflisdə hoteli olan, qadın məclislərində oxuyan xanəndəmiz - Cəlil Məmmədquluzadə ondan nə kömək istəmişdi?
• "Ədəbiyyat həm də inam və iman işidir..." - Səlim Babullaoğlu