Ankaradan İstanbula uçan Zəfər Alcan adlı yazıçı kitabını reklam etmək üçün qeyri-adi üsula əl atıb. Kulisin türk mətbuatına istinadən verdiyi məlumata görə o, təyyarənin müxtəlif yerlərinə bomba yerləşdirdiyini söyləyib.

Hadisədən sonra həbs olunan Alcan haqqında cinayət işi açılıb. O, 16 ilə qədər azadlıqdan məhrum edilə bilər.

7 iyun 2015-ci ildə Ankara-İstanbul reysi ilə hərəkət edən təyyarənin müxtəlif yerlərinə partlayıcı maddə yerləşdirdiyini söyləyən TRT Xəbər Mərkəzinin təqaüddə olan işçisi Zəfər Alcanın haqqında aparılan təhqiqat işi artıq tamamlanıb. Alcan yazdığı kitabların reklamı üçün belə elədiyini söyləyib. Hazırda təcridxanada olan Alcan 20 illik müxbirlik fəaliyyəti ilə bağlı xatirələrini təqaüdə çıxandan sonra kitab halına salmağa başlayıb.

Alcanın bildirdiyinə görə dörd kitab yazıb çap etdirib: “Qalan ikisi də çapa hazırdır. Mən kitablarımın Bakıda çap olunmasını istəyirdim. Cavab gözləyirdim. Kitablarım əsasən tarixi hadisələr barədədir. Çapla bağlı gözlədiyim dəstək gəlmədikdə mən də “Təyyarədə bomba var” deməklə diqqəti öz üzərimə çəkmək istədim.”

O, Atatürk Hava Limanına eniş etməyə hazırlaşan təyyarənin arxa hissəsinə gedərək stüardessaya bildirib ki, pilotla əlaqə saxlayaraq bildirsin: “Təyyarənin müxtəlif hissələrində bomba yerləşdirib. Ruminiya Buxarest Aeroportunda bir məlumat açıqlandıqdan sonra işləri yekunlaşdıracam. ”

Həqiqətdə isə təyyarədə bomba olmayıb. Təyyarə enişi tamamlandırdıqdan yarım saat sonra arxa hissədən daxil olan polis heyəti Alcanı həbs edib. O, ifadəsində nə sərnişinlərə, nə də təyyarəyə zərər vermək fikrinin olmadığını, sadəcə kitabının reklamını həyata keçirmək üçün bu addımı atdığını bildirib.

Zəfər Alcanın işi baxılmaq üçün məhkəməyə göndərilib. Məhkəmə Zəfəri günahkar hesab edərsə o, “reklam” üzündən 15 il həbsdə yatmalı olacaq.

• 43 yaşlı müğənni evində ölü tapıldı - Səbəb
• Stiven Kinqin "Kujo" romanı əsasında film çəkilir
• Masallıda "Səma ilə görüş"