Fotoqraf Oliviya Loçer ABŞ-ın bəzi ştatlarında hələ də mövcud olan qeyri-adi qadağalara lağa qoymaq məqsədi ilə bir fotoproje işləyib. “Mən qanuna qarşıyam” adlanan bur projedə o, sözügedən qadağaların fotolarla təsvirini verir.

Kulis.az Havay adalarından tutmuş Kentukkiyə qədər ərazilərdə mövcud olan gülməli amerikan qadağalarını fotolarla birlikdə təqdim edir.

1. Tennessi ştatında içərisində boşluqlar olan odunları satmaq qanunsuzdur.

2. Oreqon ştatında avtomobil idarə edərkən idman etmək qadağandır.

3. Havay adalarında qulağın içinə qəpik qoymaq qadağandır.

4. Konnektikut ştatında turşuya qoyulmuş xiyarı yerə çırpanda havaya qalxırsa, onda turşu tutmuş sayılır.

5. Delver ştatında beli çox bərk sıxan şalvarlar geyinmək qadağandır.

6. Texasda uşaqlar qeyri-adi saç düzümünə malik ola bilməzlər.

7. Viskonsin ştatında ictimai yerlərdə pendirsiz alma piroqu satmaq qadağandır.

8. Kanzasda isə çay fincanlarında çaxır vermək qadağandır.

9. Alabama ştatında arxa cibdə vaflili dondurma gəzdirmək qadağandır.

10. Kaliforniyada hovuzun üstündə velosiped sürmək qadağandır.

11. Yuta ştatında skripkanı kağız paketin içində daşımaq qadağandır.

12. Rod Aylenddə şəffaf paltar geyinmək qadağandır.

• Fatih Altaylının həbsi ilə bağlı açıqlama yaydılar
• Həyatı söz, sözü həyat əbədiləşdirən ustad - Rəsul Rza 115
• Məşhur müğənni xərçəngdən vəfat etdi