Kulis.az Uruqvay ölkəsi haqda maraqlı faktları təqdim edir.

Prezident Xose Muxika ömrünü ölkəsi üçün mübarizədə keçirib. 15 il həbsxanada yatıb, 6 dəfə sui-qəsdə məruz qalıb. Prezident iqamətgahı əvəzinə, balaca fermada yaşayır. Evlərinə gedən yolda 2 cangüdəni, bir də 3 ayaqlı iti var. 1987-ci il istehsalı, qiymәti 1810 dollar olan “Wolksvagen” sürür. 12 min dollarlıq maaşının 90 faizini yoxsullara paylayır.

Uruqvay dünyada homoseksual evliliyə icazə verən üçüncü ölkədir. Homoseksual istəsə, hərbçi də ola bilər.

15 minlik ordusu var və hərbi xidmət icbari deyil.

Pulsuz və dünyəvi təhsil sistemi var. Təhsil büdcəsi hərbi büdcəsindən 20 dəfə çoxdur. Bütün şagirdlərə pulsuz kompüter paylayan ilk ölkədir.

“Cənubi Amerikanın İsveçrəsi” deyiləcək qədər güclü iqtisadiyyatı, möhkəm bank sistemi var.

Abort sərbəstdir, hətta bu mövzu referenduma çıxarılanda “qadağan edilsin” deyənlər 10 faizdən də az olub.

Marixuana yetişdirmək və satmaq sərbəstdir.

Latın Amerikasının ən yaxşı qorunmuş sahilləri məhz Uruqvaydadır və tamamilə pulsuzdur.

Festivallar, bayramlar, gecə həyatı son dərəcə rəngli və həyəcanlıdır.

Uruqvayda insanlar arasında iqtisadi fərqlər gözə çarpmır. Ölkənin çox varlı və çox kasıb təbəqəsi olduqca azdır.

Dünyanın ən böyük ət istehsalçılarındandır, adambaşına 3,5 inək düşür. Hormonsuz, antibiotiksiz heyvanlar yetişdirilir.

Son illərdə erməni immiqrantlar o qədər çoxalıb ki, “Lehmeyun” adıyla lahmacun da tapmaq mümkündür. Vegeteriansınızsa, burda yemək problemi yaşamazsınız. Uruqvay ən böyük lobya ixracatçılarındandır.

2010-cu ildə başlanmış proqramla ölkədə pulsuz wi-fi sistemi qurmaq hədəflənir. Ölkənin demək olar ki, hər yerində internetə girmək mümkündür.

Zəlzələ ölkəsi deyil, ən böyük zəlzələ yüz il əvvəl olub – 5,5 bal.

İnsanlar çox qonaqpərvər və mehribandır. Bir yolu soruşsanız, nəinki başa salacaqlar, hətta sizi aparıb ötürəcəklər. Bunu Argentinada, yaxud Rusiyanın paytaxtında görə bilməzsən. Amerikandan yolu soruşsan, əvəzində pul istəyər.

Səhiyyə pulsuzdur və olduqca yüksək səviyyədədir.

Milli içkiləri “miel” adlı şərab və balın qarışığı olan içkidir.

Mətbuat azadlığı və tərəfsizliyinə görə Çilidən sonra ikinci yeri tutur.

Çay nəqliyyatından istifadə etdikləri üçün tıxaclara nadir hallarda rast gəlinir.

İnsanları istiqanlı, şən və gülərüzdür.

Uruqvayda qarğa yoxdur, əvəzində yaşıl tutuquşular var.

Uruqvayda dağlar olmadığına görə güclü küləklər əsir. Buranı küləklər ölkəsi adlandırırlar.

Yollarının əksəriyyətində hərəkət birtərəflidir.

• Rüstəm Kamalın ədəbiyyat dili - Elnarə Akimova
• “Yazıçı, publisist Şamo Arif - 90” adlı sərgi açıldı
• Tadeuş Borovskinin “düşərgələşmiş insan” obrazı nəyi təsvir edirdi?