İngilis dilində hər gün təxminən 15 yeni söz və ifadələr yaranır. Onlardan bəziləri slenqə çevrilir, yəni daha tez dilə adaptasiya olur, böyük bir fikri qısa yolla ifadə etməyə kömək edir. Kulis.az bəzi maraqlı neologizmləri təqdim edir:

Kimsəbaşqası (someoneelsie) - yaşlı nəslin nümayəndələrindən kiminsə selfi çəkməyə çalışıb, ancaq telefonu düzgün tutmağından yaranan qəribə foto “kimsəbaşqası” adlanır.

Apateizm (apatheism) - Allahın olub-olmamasının kiminsə heç vecinə olmaması halı.

XL nəsli (Generation XL) - Makdonalsda yeyib çəkisi normadan artıq olan uşaqların nəsli.

Birinci Dünya Aclığı (First World Hungry) - ac deyilsən, amma soyuducunu açıb yeməyə nəsə axtarırsan.

Tərifşikayət (humblebrag) - nəyisə şikayət edirmişcəsinə tərifləmək.

Qardaş dairəsi (brotherzone) - qızdan “sən mənim üçün dost kimisən” sözündən daha ağır olan “sən mənə qardaş kimisən” sözünü eşitmək.

Rəqs şirəsi - alkoqolun yeni adı.

Ölü həftə (dead week) - imtahandan qabaqkı həftə, diplom müdafiəsi, kurs işi... Həmin vaxtı tələbələrə fikir versəniz, görərsiniz ki, onlar zombiyə oxşayırlar.

Ağızqazm (mouthgasm) — əsrarəngiz dadı olan bir şey yedikdə yaşadığın hiss.

Sapioseksual - intellektin ve dərin zəkanın seksual olduğunu düşünmək. (Smart is the new sexy.)

Futbol dulu (football widow) - futbol mövsümü başlayarkən əri ilə münasibətlərinin müvəqqəti olaraq dayanmasına dözən qadın.

Facebook anaları - (facebook mommy) - uşaqları tərbiyə etməyə vaxtı yoxdur, çünki bütün gün onların şəklini Facebookda #uşaqlarmənimhəyatımdır heşteqi ilə paylaşırlar.

• Gül yağışı – Azər Abdullanın hekayəsi
• Abbasqulu bəy Şadlinskinin xatirəsinə həsr edilən elektron məlumat bazası hazırlandı
• Süni intellektlə foto, video hazırlayıb yaymaq cinayət məsuliyyəti yaradacaq