Yalan danışma, qadın! - ŞEİRLƏR

Yalan danışma, qadın! - <span style="color:red;">ŞEİRLƏR
6 avqust 2015
# 18:30

Kulis şairə Mina Rəşidin yeni şeirlərini təqdim edir.

Mən ki, çox şey istəmədim

Taleyimlə əlbəyaxa

Həmişə savaşdayam.

Min dərd məni yıxa bilmir

Bax, yenə də ayaqdayam.

Ovulsam da için-için

Yenidən quruluram.

Yol kimi çıxıb gedirəm

Çay kimi duruluram.

Sığınmağa bir evim var

Öz içimdə tikdiyim.

Mən ki, çox şey istəmədim

Nədir bunca çəkdiyim?

Gül gətirdin üstümə

Sən doğmasan, yoxsa yad

Nədən durdun qəsdimə?

Məni öldürüb sonra

Gül gətirdin üstümə.

Çiçəkləri sevsəm də

Səndən bir gül almaram.

Ay mərdi namərd edən

Mən həminki olmaram.

Eşitmirəm nə desə

Axı çoxdan ölmüsən...

Yaxında uzaq oldun

İndi hardan gəlmisən?!

Allahı necə sevdiyini...

...Allahın adını tez-tez dilə gətirən qadın,

Yoldan bir qara daşı götürsəydin

Qızımın telinə sığal çəksəydin,

Gözündəki təbəssümü qəlbimə ötürsəydin

Gözlərindən oxuyardım

Allahı necə sevdiyini...

...Bir kimsəsizə həyan olsaydın,

Gün kimi parlayıb,

bulud kimi dolsaydın,

Haqsızlıq önündə belə susmasaydın

Sözlərindən oxuyardım

Allahı necə sevdiyini...

Qəribin qapısı

Qəribin qapısını

Küləklər açıb-bağlar.

Rüzgarın sərtliyindən

Qapı-baca qan ağlar.

Qəribin qapısını

Çiçək döyməz, gün açmaz.

Nəğmə deyən o quşlar

Dərdin düyünün açmaz.

Bayramda tənhalıqdan

Yerlə-göylə danışar.

Uşaq xəyallı qoca

Tonqal kimi alışar.

Səbri böyük olsa da

Dünyayla çox davalı.

Yerindən qopmaq istər

Qapısı da havalı...

Yalan danışma, qadın

Bəzən-düzən, naz elə

Özünü aldat, qadın.

Adamlar sevmir səni

Yalan danışma, qadın.

Dilin zəhər, qəlbin ac

Gözün onda-bundadı.

İşıqsız doğulmusan

Qaranlıq qanındadı.

Bəsdi yalan danışdın

Nə özünü öyürsən.

Gül əkirsən gül kimi

Ürəyimi üzürsən.

Отображается файл "M Rashid.jpg"

# 7701 dəfə oxunub

Oxşar xəbərlər

İpək tacirinin sifarişi ilə yaranan şah əsər - Leonardo da Vinçinin “Mona Liza”sı

İpək tacirinin sifarişi ilə yaranan şah əsər - Leonardo da Vinçinin “Mona Liza”sı

13:31 22 noyabr 2026
Radiodakı təsadüfi cümlədən rok tarixinə... - Məşhur “Black hole sun” necə yarandı?

Radiodakı təsadüfi cümlədən rok tarixinə... - Məşhur “Black hole sun” necə yarandı?

12:28 22 noyabr 2026
Tanınmış hind yazıçıdan "Yazmağın 10 qaydası"

Tanınmış hind yazıçıdan "Yazmağın 10 qaydası"

15:00 18 noyabr 2026
Motsartı fəth edən "Mehtər marşı", qəhvə və aypara çörək...  - Vyana türklərdən nələri öyrənmişdi?

Motsartı fəth edən "Mehtər marşı", qəhvə və aypara çörək... - Vyana türklərdən nələri öyrənmişdi?

12:00 17 noyabr 2026
“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
Ana səhifə Reels Yazarlar Xəbərlər