Xalq yazıçısı İsa Muğannanın əsərlərinin səhnələşdirilməsi ilə bağlı yazıçının qızı Sevinc Muğanna ilə Akademik Milli Dram Teatrının direktoru İsrafil İsrafilov arasında açılan polemika davam edir.
İ.İsrafilovun axar.az saytına söylədiyi “İsa Hüseynovun pyesləri yoxdur” fikrinə aydınlıq gətirən Sevinc xanım Kulisə bunları söylədi:
“Mən uşaq olanda “Teleqram” povestini səhnə üçün işləyib Mingəçevir Teatrında səhnələşdirmişdilər. Bakıya qastrola gəlib Gənc Tamaşaçılar Teatrının səhnəsində də oynadılar. Çox maraqlı alınmışdı. Deməyim odur ki, İsa Muğannanın əsərlərini səhnə üçün işləyən, bu işi boynuna götürən bir adam olsa çox yaxşı olar. İllah da qarşıdan 90 illik yubileyi gəlir. Hətta əsərlərindən bəzilərinin ssenariləşdirilib filmə çəkilməsi də arzu olunandır. Təəssüf ki, mən özüm bu işlə məşğul olmaq imkanında deyiləm.”
S.Muğanna onu da bildirdi ki, İsa müəllim heç vaxt pyes yazmayıb. Amma əsərlərinin dramaturji yükü onları asanlıqla səhnə üçün işləməyə imkan verir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər