Azərbaycan rəssamlıq məktəbinin görkəmli nümayəndəsi Tahir Salahovun “İçərişəhər” Dövlət Tarix-Memarlıq Qoruğunda yerləşən ev-muzeyində rəssamın yaradıcılığına və ictimai fəaliyyətinə həsr olunmuş sərginin açılışı keçirilib. APA-nın xəbərinə görə, sərginin açılışında çıxış edən Qoruq İdarəsinin rəis müavini Samir Nuriyev bildirib ki, keçən il T. Salahov özünün bütün rəsm əsərlərini və şəxsi arxivini Azərbaycan dövlətinə bağışladığını bəyan edib.
Ölkə prezidentinin sərəncamı ilə T. Salahovun ev-muzeyinin yaradıldığını deyən S. Nuriyev qeyd edib ki, artıq muzeyin eksponatlarının təhvil-təslimi aparılıb və muzey əməkdaşlarının ştat cədvəli müəyyən olunub. Muzeyin daimi ekspozisiyasının yaradılması üçün də müəyyən işlər görüləcək. Bundan sonra ev muzeyinin rəsmi açılışı olacaq: “Muzeyin yaradılmasında əsas məqsəd T. Salahovun irsini daha dərindən təbliğ etməkdir. Sərgidə T. Salahovun Azərbaycan dövlətinə bağışladığı rəsm əsərləri və şəxsi arxivindən ibarət kolleksiya nümayiş olunur. Kolleksiya 700-dən artıq eksponatdan ibarətdir. Sərgi rəssamın ad gününə həsr olunub”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər