Elmar İmanovun və Engin Kundağın birgə işi olan “Torn” filmi Kann festivalının “Rejissor həftəliyi” proqramına salınıb.

Kulis.azın xəbərinə görə, “Torn” (ayrı) filmi iki dünya haqqında qısametrajlı filmdir. Bugünki Bakının fonunda ata ilə oğulun həyatından bir epizod təqdim olunur. Oğlan uşağı həyətə yaşıdları ilə futbol oynamağa düşür, kişi isə evin damına qadınla görüşməyə çıxır. Onlar münasibətlərinin düyününü necə çözəcəklər? Bir yerdə, amma ayrı yaşayan adamlar necədirlər? filmin əsas problematikası bu sualar ətrafındadır.

“Torn” filmi Azərbaycan şirkəti Fil Production tərəfindən alman şirkəti Color of May-la birgə ötən il çəkilib. Filmdə Mirmövsüm Mirzəzadə, Zülfiyyə Qurbanova və Rasim Cəfər çəkilib. Filmdə Filmin sponsoru Azərbaycan Vergilər Nazirliyidir.

Xatırladaq ki, Elmar İmanovun bundan əvvəlki “Tabutçunun yelləncəyi” filmi 2012-ci ilin tələbə Oskarına layiq görülmüşdü. Engin Kundağ isə “Ararat” filmi ilə Berlinare festivalından mükafat qazanmışdı.

“Rejissor həftəliyi” Kann festivalının xüsusi paralel proqramıdır. 1968-ci ildəki çıxışlardan sonra yaranıb. Bu, bütün dünyanınm müstəqil müəllifləri üçün platformadır. Bir zamanlar burada Verner Hersoqun, Fassbinderin, Hanekenin, Cim Carmuşun, Skorsezenin, Koppolanın və başqa indi məşhur olan o zaman gənc rejissorların debüt işləri təqdim olunub.

Xatırladaq ki Azərbaycandan daha bir film “Sonuncu” (rej. Sergey Piikalov) 67-ci Kann festivalında qısametrajlı filmlərin müsabiqə proqramına daxil edilib.

• Azərbaycan musiqiçiləri Astanada mahnı festivalında
• "Allah qarşısında günahkar olanların cəzasını verdik..." - 8 günə 50 min insanı qətlə yetirən qərar
• Milli Xalça Muzeyində “Çiçəkli buta” əyləncəli proqramı təşkil olunacaq